2. Mose 17:6 - O Debleskro Lab 2024 (Sinte-Manouche)

⁶ Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

O Debleskro Drom 2021 (Sinte)

⁶ Un me tchiwau man glan tute tardo ap o baro bar pash i berga Horeb. Un palle dess tu ap o baro bar, un dran leste nashella pani, jaake te well len te pijell.” Un o Mose kras kowa jaake glan i jaka kol phurendar.

2. Mose 17:6 Iomraidhean Croise

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Debleskri gili 105:41

Yob phagas i baro bar, oun pani nashas vin, oun nashas an o moulo them har i lengsto baro pani.

Debleskri gili 114:8

Yob hi kova, kay kras pani dran i baro bar, oun moukas dran barra tikne panya te nashell.

Debleskri gili 46:4

ninna te vals o baro pani divyo oun rhoyedo, oun djals savi zoryah pre, te perenn i berge khetne.

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

Debleskri gili 78:18

An pengre djia patsan le gar, te nay dals len o Devel ko rhapen, pal kova len bok his.

Debleskri gili 78:20

Kova hi čačo: Yob phagas o baro bar, oun boud pani vas vin oun nashas tele kate te kote pral o them. Nay dell lo men ninna maro? Hayvell lo peskre menshenge mass te anell?”

Debleskri gili 81:7

Me lom t'mendar ko pharo koova tele, hoy ap t'mare phika his, oun t'mare vasta hounte hidjrenn bouder gar kol phare barra.

2. Mose 14:16

Tou, hade tiro kasht pre oun tiro vast pral o baro pani, te krell lo pes pre oun djal ap douy rigya. Yaake te nay djan i Israelitarya mashkral o baro pani ap i drom, hoy gar sapenes hi.

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

Jesaja 48:21

O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

4. Mose 20:8

“Le ko lengsto kasht oun le i tsele menshen khetne, tou oun tiro phraal, o Aron, oun rakrenn ap ko baro bar glan lengre yaka! Kova dell t'men pani. Yaake aness tou lenge pani dran ko baro bar, oun dess i tsele menshende te piyell oun lengre firhen ninna.”

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

1. Korintarja 10:4

Oun yon piyan lauter ko yek pipen, kay vas o Deblestar. Yon piyan ko pani, kay vas dran i baro bar vin, kay lentsa djas. Ko bar his o Yezous Kristo.

5. Mose 1:2

[Deesh-te-yek divessa hi o drom lengsto mank i berga Horeb oun o foro Kadesh-Barnea ap i berge Seir.]

5. Mose 8:15

Yob sikras t'men o drom an ko baro moulo tato them, kay t'men daar his, an koleste čilače sapa oun skorpione hi. Kote, kay o kham lauter pre rhačras, oun kek pani dell, moukas lo t'menge pani dran i baro zorelo bar te nashell,

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.