2. Mose 17:13 - O Debleskro Lab 2024 (Sinte-Manouche)

¹³ Oun o Yosua das i Amalekarya temerl.

O Debleskro Drom 2021 (Sinte)

¹³ Un o Josua das i Amalekarja temerl.

2. Mose 17:13 Iomraidhean Croise

2. Mose 17:12

Har o Moseskre moussya leske phares van, lan kol douy vavar i bar, te beshell lo pes. Oun yek čivas pes čačes oun yek serves pash leste tardo, oun yon rikran leskre moussya pre. Yaake kran le bis te o kham tele djas.

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Josua 10:28

Oun ko dives las o Yosua ninna o foro Makkeda dren. Oun o baro rayes oun lauteren, kay an ko foro djivan, das lo moulo, oun moukas kekes djido. Oun o baro rayeha pral o foro Makkeda, kras lo yaake har lo les ninna o baro rayeha pral o foro Yericho kras.

Josua 10:32

Oun o baro Devel das o foro Lakish an o Israeleskro vast. Oun ap o vavar dives lan le o foro dren, oun dan lauteren o rhareha moulo, kay kote djivan. Yaake har kran le an o foro Libna, kran le kate ninna.

Josua 10:37

oun lan o foro dren, oun dan o baro rayes oun i tsele menshen o rhareha moulo, ninna kolen, kay an i forya koy trouyel djivan. Oun yon moukan kekes te nashell. Yaake har lo kova an o foro Eglon kras, kras lo kate ninna.

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.

Josua 11:12

Ninna kol tsele vavar forya las o Yosua dren oun das kolen o rhareha moulo, kay koy dren his, ninna lengre bare rayen. Kova kras lo yaake har o Mose, o baro Debleskro boudepaskro, leske penas.