2. Mose 16:34 - O Debleskro Lab 2024 (Sinte-Manouche)

³⁴ Yaake har o baro Devel o Moseske penas, čivas o Aron ko khoro glan o sonakaskro morhton, kay o Debleskre deesh laba dren hi, te ačell ko khoro koy.

O Debleskro Drom 2021 (Sinte)

³⁴ Jaake har o baro Dewel o Moseske penas, tchiwas o Aron ko khoro glan o sonakaskro mochton, kai o Debleskre deesh laba dren hi, te atchell ko khoro koi.

2. Mose 16:34 Iomraidhean Croise

1. Rajengro liil 8:9

Oun an ko morhton his či dren, har kokres kol douy barra, hoy o Mose dren čivas pash i berga Horeb. An lende his o baro Debleskre deesh laba dren činlo, hoy i Israelitarya hounte rikrenn. Kova kras lo lentsa vin, har yon vin van dran o them Egiptia.

2. Mose 25:16

An ko morhton čip kol douy barra kol deesh labentsa, hoy me tout dau.

2. Mose 25:21

Čip o pralstouno kotar pral ap o morhton. Oun an o morhton čip i douy barra kol deesh labentsa, hoy me tout dau.

2. Mose 30:36

Palle kre les tiknes, yaake tiknes har djala, oun čip ninna lestar glan ko morhton, kay o Debleskre deesh laba dren hi, an o Debleskro plarhteno kheer, kote, kay vau me pash toute. Denn yak! Kava soungepaskro koova, hoy t'mer o Debleske kran, hi leske kokres!

2. Mose 30:6

Čip o sonakaskro bob glan o voudar dran o kouč kotar than. Pal ko voudar hi o morhton, kay o Debleskre deesh laba dren hi, oun kay o pralstouno kotar pre hi, hoy sikrella, kay o Devel peskre menshenge lačo hi.

2. Mose 31:18

Oun har o baro Devel kova lauter ap o Mose rakras ap i berga Sinay, das yob les i douy barra, kay o Debleskre deesh laba dren činlo hi. O Devel činas len peskro goushteha dren.

2. Mose 38:21

O Bezalel, – leskro dad his o Ouri oun leskro papo o Hour, dran o kheer Youda – yob kras koy tseli boudi yaake, har o baro Devel kova o Moseske penas. Oun o Oholiab, – leskro dad hi o Ahisamak, dran o kheer Dan – yob vas leske pash o vast. Oun peskre vastentsa kras lo shoukar koova dran lolo saster, sonakay, roup oun kasht. Ninna hayvas lo mishto lačo layntikro than te krell, oun sivas shoukar koova dran kouč bakrengro bal dren, hoy blaueto, lolo oun lolo har yag his. O Mose penas ap o Itamar, ko čavo o rashayestar Aron: “Pen ap i Levitarya, te činenn le lauter an i liil, hoy i Israelitarya khetne čivan, te krenn le o Debleskro kheer, – ko kheer, kay o Debleskre deesh laba dren hi.”

2. Mose 40:20

Oun yob las i barra, kay o Debleskre deesh laba dren činlo hi, oun čivas len an o sonakaskro morhton, oun čivas i hidjepaskre kashta an i goustria ap o morhton. Oun pral ap o sonakaskro morhton čivas lo o pralstouno kotar, hoy sikrella, kay o baro Devel peskre menshenge lačo hi.

4. Mose 1:50

Tou dess len gole, te boudrenn yon an o Debleskro plarhteno kheer, kay o Debleskre deesh laba dren hi, oun ap halauter, hoy an kava kheer hi. Yon hounte hidjrenn o Debleskro kheer oun halauter, hoy koy dren hi, oun denn garda ap halauter, oun čivenn pengre plarhtene khera troul o Debleskro kheer.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 17:10

“Djan vin kol menshendar. Me kamau len ap yek kopo te marell.” Oun kol douy vitsran pen ap pengro mouy.

5. Mose 10:5

Oun me rissrom man oun djom i berga pale tele. Oun me čivom kol barra an ko morhton, hoy me krom. Oun kote hi le, yaake har o baro Devel mange penas.