2. Mose 15:22 - O Debleskro Lab 2024 (Sinte-Manouche)

²² Oun i Israelitarya moukan o Baro Lolo Pani pal pende. Oun o Mose anas len an o moulo tato them, hoy kharella Shour. Oun yon djan triin divessa trouyel an o moulo them, oun hatsan kek pani.

O Debleskro Drom 2021 (Sinte)

²² Un i Israelitarja mukan o Baro Lolo Pani pal pende. Un o Mose anas len an o mulo tato them, hoi kharella Shur. Un jon djan triin diwessa trujel an o mulo them, un hatsan kek pani.

2. Mose 15:22 Iomraidhean Croise

1. Mose 16:7

Oun o baro Debleskro bolepaskro hatsas lat pash i pani, hoy vella dran i phoub. Ko pani his an o moulo tato them pash o drom, hoy djala an Shour.

1. Mose 20:1

Oun o Abraham djas doureder oun vas an o them Negev. Yob ačas mank kol douy forya Kadesh oun Shour oun djivas an o foro Gerar.

1. Mose 25:18

Leskre čave, kay pal leste van, djivan an o them mashkral Havila oun Shour. Shour hi čiddo glan o them Egiptia ap o drom, hoy djala an Assour. Yaake vas čačo, hoy pral o Ismael penlo vas: Yob lell peske i kotar them gar dour peskre phralendar, te rhoyrell lo len.

Debleskri gili 136:16

Yob anas peskre menshen ap o drom mashkral o moulo tato them. Leskro lačepen ačella hako tsireske!

Debleskri gili 77:20

Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.

Debleskri gili 78:52

Palle anas yob peskre menshen vin, oun djas glan lende har i bakrengro djal glan peskre bakre, oun sikras len o drom an o moulo tato them.

Debleskri gili 78:53

Yob rikras peskre vasta pral lende. Oun len hounte vas kek daar. Oun kolla, kay len palla lan, an o baro pani yon tassan.

2. Mose 17:1

Oun i tsele Israelitarya djan vin dran o moulo tato them, hoy kharella Sin, oun djan doureder hako kopo har o baro Devel les lenge penas. Oun yon van ap i platsa, hoy kharella Refidim. Kote his kek pani te piyell.

2. Mose 3:18

Oun i phoureder shounenna ap tiro lab. Palle dja lentsa pash o baro rayeste pral o them Egiptia. Oun penenn ap leste: O baro Devel, koles i Hebrearya an-mangenna, vas pash mende. Kanna mouk men triin divessa dour an o moulo tato them te djal, te maras firhen maro Debleske.”

4. Mose 33:8

Dran Pi-Hahirot djan le vin oun djan mashkral o baro pani an o moulo tato them. Oun pal triin divessa an o moulo tato them Etam van le an Mara.

1. Samuel 15:7

Oun o Saul das i Amalekaryen an o tselo them mank Havila oun Shour, hoy glan o them Egiptia čiddo hi.

1. Samuel 27:8

An ko tsiro peras o David peskre morshentsa an ko them dren, kay djivenn i Geshourarya oun i Girsarya oun i Amalekarya. Kolla his i rah tsiro kote an o them, oun djivan bis pash o moulo them Shour oun bis tele pash o them Egiptia.