2. Mose 15:11 - O Debleskro Lab 2024 (Sinte-Manouche)

¹¹ Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

O Debleskro Drom 2021 (Sinte)

¹¹ Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

2. Mose 15:11 Iomraidhean Croise

2. Samuel 7:22

Baro Devel, miro ray, har baro hal tou! Kek hi yaake har tou! Oun dell kek devel har tou, pal lauter, hoy mer mare kandentsa shounam.

1. Rajengro liil 8:23

oun penas: Baro Devel, tou o Devel pral o Israel, kek devel hi har tou pral an o bolepen, vitar gar tele ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

1. Familjakro liil 16:25

O baro Devel hi o pralstouno, oun hakeno hounte sharell les. Mank i tsele vavar debla hi yob kova, konestar daras mer.

2. Familjakro liil 2:5

Koon nay krell leske i kheer? O tselo bolepen hi gar bares doha leske. Koon palle hom me, te krap leske i kheer? Halauter hoy nay krau, hi, te krap i platsa, kay nay rhačrah soungepaskro koova glan leste.

2. Familjakro liil 6:14

oun penas: Baro Devel, tou o Devel pral o Israel, kek devel hi har tou: kek an o bolepen, vitar gar ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

Debleskri gili 113:5

Koon an o bolepen oun ap i phoub hi yaake har maro baro Devel?

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 136:4

Yob kokres krell baro koova, hoy kek vavar nay krella. Leskro lačepen ačella hako tsireske!

Debleskri gili 145:17

An lauter, hoy o baro Devel krell, djal lo pal o čačepen. An lauter, hoy krell lo, hi lo lačo.

Debleskri gili 22:23

Toutar kamau me te rakrell pash mire phralende. Kote, kay venn le khetne, kamau me tout te sharell.

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 60:2

Yob kras lat an ko tsiro, har lo an o marepen his i menshentsa Aram dran Mesopotamia oun Soba. Har vas lo pale, maras o Yoab i Edomarya an i Londi Tala: deesh-te-douy zerya morshen.

Debleskri gili 66:5

Avenn oun dikenn, hoy o Devel kras. I menshenge ačell o rakepen krik, te dikenn le, hoy kras lo ap lende.

Debleskri gili 77:11

Kote penom me: Kava hi miro nasslepen, te kras pes o Devel vavarčandes. I zoor o pralstunestar vell bouder gar diklo.

Debleskri gili 77:14

Miro Devel, halauter, hoy tou kreh, hi čačo. Kek vavar devel hi yaake zorelo har tou.

Debleskri gili 77:19

Tou kral bari gole ap o bolepen. Koy yag ap o bolepen kras i rat har te vals dives. I phoub trissas i daryatar.

Debleskri gili 86:10

Tou hal baro oun kreh baro koova, hoy kek vavar nay krella. Tou kokres hal o Devel.

Debleskri gili 86:8

Miro ray, dell kek debles har tout. Kek nay krell kova, hoy tou kreh.

Debleskri gili 89:18

Tou kokres hal lengro raylepen oun lengri zoor, oun dran tiro lačepen nay hadah mare sherya.

Debleskri gili 90:11

Koon patsell, te nay vell tiri rholi yaake baro? Oun koon darell tiri rholyatar?

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

2. Mose 20:3

Oun tout vell kek vavar Devel har man.

2. Mose 3:20

Doleske čivau bari bibarht ap i Egiptarya, oun krau baro koova mank lende, hoy sikrella miri zoor. Pal kova moukenn le t'men te djal.

2. Mose 8:10

Oun yon čoran kol boud djambe khetne. Oun o tselo them khandas lendar.

2. Mose 8:6

Oun yob penas: “Taysar.” Oun o Mose penas: “Yaake har tou penal, yaake te dikess oun hayvess, te hi kek vavar yaake, har maro baro Devel.

2. Mose 9:14

Te shouneh tou kava kopo pale gar, palle kamau me i djoungleder bibarht pral toute oun tire pralstunende oun pral tire tsele menshende te bičrell, te dikess oun hayvess, te hi kek ap kay phoub yaake har me.

Jesaja 30:11

Djan tele t'maro dromestar! Moukenn o čačo drom! Penenn menge bouder gar, hoy o Israeleskro Devel penell.”

Jesaja 40:18

Koon hi har o Devel? Hi čomone yaake har yob?

Jesaja 40:25

“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”

Jesaja 46:9

Moukenn t'menge an o shero te djal, har an o phouro tsiro his: Me hom o Devel, oun dell kek vavar har man. Kek hi yaake har me!

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 49:19

Har i levo vin vell dran i bourra pash o pani Yordan, vau me, oun tradau i Edomaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Louka 12:5

Me kamau t'men te sikrell, konestar hounte čačepah trashenn: Trashenn o Deblestar, kay les i zoor hi, te vitsrell lo yekes pal o merepen an o bengeskri yag! Ava, kova penau t'menge: Kolestar trashenn!

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 3:24

“Baro Devel, miro ray, tou sikral man, tiro boudepaskres, tiro barepen oun tiro zorelo vast. An o bolepen oun ap i phoub hi kek vavar devel, kay nay krell savo baro koova an savi bari zoor har tou.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

Debleskro tsiro 13:4

I menshe djinan, kova his o baro lolo sap, hoy das o firheste peskri zoor. Doleske sharan le o lolo sapes. Oun yon sharan ninna o firhes, oun penan: “Kek hi zorleder har o firho! Kek nay kourell pes leha oun vell zorleder!”

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.

1. Samuel 2:2

Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.