2. Mose 15:10 - O Debleskro Lab 2024 (Sinte-Manouche)

¹⁰ Tou phourdal tiro dourho, – oun o baro pani čakras len. Yon tassan oun djan tele har saster an o baro pani.

O Debleskro Drom 2021 (Sinte)

¹⁰ Tu phurdal tiro ducho, – un o baro pani tchakras len. Jon tassan un djan tele har saster an o baro pani.

2. Mose 15:10 Iomraidhean Croise

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

2. Samuel 18:8

Oun yon kouran pen an ko tselo them koy. Oun o veesh rhas ap ko dives boudeder menshen har o rharo rhas.

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Debleskri gili 135:7

Yob moukell volke pral i phoub pre te djal, dell brishin ap i phoub, ninna koy yag, hoy ap o bolepen pre oun tele karye dell. Yob anell o baro dourho vin, hoy pral i phoub phourdell.

Debleskri gili 147:18

Yob penell i lab, oun o gib vell pani; yob bičrell i dourho, hoy phourdell pral i phoub, oun o pani, hoy djayedo his, nashella palle.

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

2. Mose 15:5

I panya van oun len čakran; har barra djan le tele, har barra djan le tele.

Gosewe laba 30:4

Koon djas pre an o bolepen oun pale tele? Koon las o phourdepen an peskre vasta? Koon pandas i tsele panya an i baya? Koon penas, har dour i phoub te djal? Har kharell lo? Har kharell leskro čavo? Djineh tou kova?

Jesaja 11:15

Oun o baro Devel moukell i kotar o baro panyestar pash o them Egiptia trouk te vell. Oun leskro vast moukell i zorelo tato dourho pral o pani Eufrat te djal, te ačenn lestar kokres efta tikne panya pral, hoy nashenn, yaake te nay djan le pengre kirrhentsa koy vergel.

Jeremia 10:13

Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

Jeremia 46:17

Kharenn ko lab o Faraestar, ko rayestar pral o them Egiptia: Baro Mouyeskro, koleskro tsiro trouyel hi.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Mateo 8:27

Oun peskre mala kran bare yaka oun poučan pendar: “Havo morsh hi kova! Ninna o zorelo dourho oun o baro pani shounenn ap leste.”

5. Mose 11:4

ninna ap leskre lourdende, kay t'menge palla lan. Pral lengre graya oun vourdya moukas yob o pani khetne te phagell. Oun yon lauter tassan an o Baro Lolo Pani. Yaake hi kova bis kava dives.