2. Mose 14:10 - O Debleskro Lab 2024 (Sinte-Manouche)

¹⁰ Har i Israelitarya pre dikan, oun dikan, te lell len o Farao peskre lourdentsa palla, vas i bari traash pral lende. Oun yon dan ap o baro Debleste gole.

O Debleskro Drom 2021 (Sinte)

¹⁰ Har i Israelitarja pre dikan, un dikan, te lell len o Farao peskre lurdentsa palla, was i bari traash pral lende. Un jon dan ap o baro Debleste gole.

2. Mose 14:10 Iomraidhean Croise

2. Familjakro liil 18:31

Oun har i pralstoune pral i vourdya o Yosafates dikan, patsan yon, kay yob o ray pral o them Israel hi, oun djan troul leste, te kourenn le pen leha. Kote moukas o Yosafat i gole. Oun o baro Devel vas ap leskri rig, oun kras te rissran le pen lestar krik.

Nehemia 9:9

Oun tou dikal o pharo djipen mare phourendar an o them Egiptia, oun shounal lengri gole, har his le pash o Baro Lolo Pani.

Debleskri gili 106:44

Oun te dan le gole ap leste an pengre douka, oun yob dikas, har djoungeles lenge djal,

Debleskri gili 107:13

Har lenge yaake djoungeles djas, dan le gole ap o baro Debleste. Oun yob las len vin dran lengri daar,

Debleskri gili 107:19

Har lenge yaake djoungeles djas, dan le gole ap o baro Debleste. Oun yob las len vin dran lengri daar,

Debleskri gili 107:28

Har lenge yaake phares his, dan le gole ap o baro Debleste, oun yob las len vin dran pengri daar,

Debleskri gili 107:6

Har lenge yaake djoungeles djas, dan le gole ap o baro Debleste. Oun yob las len vin dran lengri daar.

Debleskri gili 34:17

O baro Devel hi gar kolentsa, kay o čilačepen krenna, oun krell, te venn le sik bistedo pal lengro merepen.

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

Debleskri gili 81:7

Me lom t'mendar ko pharo koova tele, hoy ap t'mare phika his, oun t'mare vasta hounte hidjrenn bouder gar kol phare barra.

2. Mose 13:17

Oun har moukas o Farao i menshen te djal, anas len o baro Devel gar mashkral o them, kay i Filistarya djivenn, ninna te his kava drom o tikneder. O baro Devel penas peske: “Te dikenn i Israelitarya, kay hounte kourenn le pen, nay khaytals len kova. Oun yon kamenn pale pale an o them Egiptia te djal.”

2. Mose 15:25

Koy das lo gole ap o baro Debleste. Oun o baro Devel sikras les i kotar kasht. Kova vitsras lo an o pani, oun o pani vas lačo. Kote das o baro Devel len laba, hoy sikrenna, hoy lo lendar kamell, oun har te djivenn le an leskro čačepen. Oun kote kamas lo ninna te dikell, te shounenn le ap leste.

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Jesaja 7:2

Oun har o baro rayeske pral Youda penlo vas, kay čivan i Syrarya pengre plarhtene khera pre an o Efrayimeskro them, kote trissas lo i trashatar. Oun ninna i tsele menshe an Youda trissan yaake har i rouka an i vesha trissenn, te phourdell i zorelo dourho.

Jeremia 22:23

Kanna hi tiro baro ray beshdo ap i berga Libanon, oun moukell peske mishto te djal an khera dran cedertikro kasht. Sik vell koy phagi pral leste. Oun palle dell lo gole i doukatar, har i djouvel, kay lell i ternepen.

5. Mose 9:7

Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.

Josua 24:6

Oun har anom len vin, lan len i Egiptarya palla pengre kourepaskre vourdyentsa oun grayentsa. Oun har t'mare phoure pash o Baro Lolo Pani van,

Josua 24:7

kote dan le gole ap mande, o baro Debleste. Oun me čivom rati mashkral lende oun i Egiptaryen. Oun moukom o baro pani pral i Egiptaryen te vell. Oun o pani čakras len. Oun t'mare phoure dikan pengre yakentsa, hoy me ap i Egiptaryen krom. Oun t'mer djivan i rah tsiro an o moulo them.

1. Johanni 4:18

Kones o Debleskro kamlepen an peste hi, koles hi kek traash. O Debleskro kamlepen tradell i traash vin. Koon trashella, te nay lell lo i phagi, koles hi gar o tselo Debleskro kamlepen an peste.