2. Mose 13:9 - O Debleskro Lab 2024 (Sinte-Manouche)

⁹ Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

O Debleskro Drom 2021 (Sinte)

⁹ Kawa well tuke har i sikepen ap tiro wast, un i sikepen mashkral tire jaka, te bistress tu kowa gar, un peness i wawarenge, har las tut o baro Dewel peskro sorelo wasteha win dran o them Egiptia.

2. Mose 13:9 Iomraidhean Croise

Nehemia 1:10

Yon hi tire boudepangre, tire menshe, kolen tou vin lal dran i čilače vasta tiri bari zoryah oun tiro zorelo vasteha.

Debleskri gili 136:11

Oun anas o Israel dran o them Egiptia vin. Leskro lačepen ačella hako tsireske!

Debleskri gili 136:12

Peskro zorelo vasteha kras lo kova. Leskro lačepen ačella hako tsireske!

Debleskri gili 89:13

Ko them, kay o kham gar tardo hi, tou kral les. Ninna ko them, kay o kham pral tardo hi, tou kral les. Koy berga Tabor oun i berga Hermon sharenn tout i barhtyatar.

2. Mose 12:14

Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

2. Mose 12:41

Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 13:14

An ko tsiro, hoy vella, te poučenn toutar tire čave: Hoske kreh tou kova? palle peness tou ap lende: O baro Devel las men i zorelo vasteha vin dran o them Egiptia, kay hounte boudram tel dava.

2. Mose 13:16

Kava vell touke har i sikepen ap o vast oun mashkral tire yaka, te bistress gar, te las men o baro Devel peskro zorelo vasteha dran o them Egiptia vin.”

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 3:20

Doleske čivau bari bibarht ap i Egiptarya, oun krau baro koova mank lende, hoy sikrella miri zoor. Pal kova moukenn le t'men te djal.

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

Gosewe laba 1:9

Kova hi touke har i shoukar stadi ap tiro shero, har i verkli troul tiri meen.

Gosewe laba 3:21

Miro čavo, mouk o gosvepen gar dran tire yaka! Rike tout ap kova, hoy mishto oun gosevo hi!

Gosewe laba 7:23

kay i faylo lake an o dji čourye dell. Ko terno morsheske djal yaake har i čirklo, hoy an i netsa djal, oun gar djinell, te hounte merell lo.

Kamlepaskri gili 8:6

Čin miro lab ap tiro dji! Mouk man har i goustri ap tiro vast te vell! Te kamenn pen douy, hi lengro kamlepen zoreles har o merepen, oun rikrell len pandles har o moulengro them. Len hi i dji yek o vavareske, hoy rhačell zoreles har i yag o baro Deblestar.

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 44:5

Yek pal o vavar penell: O baro Devel hi miro ray. Boud kamenn tire menshe te vell. Yon činenn ap pengro vast: Me hom o baro Debleske, oun kharenn pen Debleskre menshe.

Jesaja 49:16

Dik, an mire douy vasta činom me tout dren, Yerusalem! I massourya troul toute hi hako tsiro glan mire yaka.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Jeremia 22:24

Me dau man sovel pash miro djipen, penell o baro Devel: Konya, tou čavo o Yoyakimestar oun ray pral o them Youda, me penau touke: Ninna te vals tou i goustri ap miro goushto, hoy sikrell kay me o baro ray hom, tserdoms me ko goustri tele.

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

Joel 2:11

O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

4. Mose 15:39

Oun kol dorya hi koleske koy: Yaake boud kope har t'mer kolla an-dikenn, vell t'menge an o shero halauter, hoy o baro Devel penas, – kol tsele laba, hoy hounte krenn. Yaake moukenn t'men gar o Debleskro dromestar tele te anell t'mare yakendar, vitar gar shounenn t'mer ap kova, hoy an t'maro shero trouyel djal.

Mateo 23:5

Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

Remarja 10:8

Tou hounte rodess bouder gar, har te nay veh pash o Debleste. O Debleskro lab penell touke: Kova, hoy o Devel touke penas, hi pash toute: an tiro mouy oun an tiro dji. Kava lab rakrell pral o patsepen. Kova penah mer i menshenge.

5. Mose 30:14

Na-a, kava lab hi pash t'mende, an t'mare mouya oun an t'mare djia, te nay djivenn koy pal.

5. Mose 5:15

Ma biste, kay hals i boudepaskro an o them Egiptia, oun me, tiro baro Devel, las tout vin miro zorelo vasteha oun pre-hadedi moussyah. Doleske penau me touke: Rike miro dives yaake.

5. Mose 6:21

Palle peness tou ap tiro čaveste: “Mer hams boudepangre o baro rayestar an o them Egiptia. Oun o baro Devel anas men vin dran Egiptia peskri bari zoryah.

5. Mose 6:6

Oun kol laba, hoy me touke kava dives penau, less an tiro dji,

5. Mose 6:8

Pande kol laba ap i pandepen troul tiro vast oun troul tiro shero pral i yaka, te bistress len gar.

Debleskro tsiro 18:8

Doleske vell i tseli bari bibarht ap yek kopo pral ko foro: merepen, ropen, oun bok. Oun i yag rhačrella ko foro pre. Zorelo hi o Devel, maro ray, kay rakrell pral i menshen an o foro o čačepen vin, oun dell len i čači phagi.

Čačepangre 2:12

oun moukan o baro Debles, kay o Devel lengre phoure dadendar hi, oun len vin anas dran o them Egiptia. Oun yon nashan vavar deblenge palla, – kol deblenge, kolen i menshe an-mangan, kay troul lende djivan. Oun yon peran glan lende tele, oun yaake kran le, te vell o baro Devel rhoyedo.