2. Mose 13:3 - O Debleskro Lab 2024 (Sinte-Manouche)

^3-4 Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

O Debleskro Drom 2021 (Sinte)

^3-4 Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 13:3 Iomraidhean Croise

1. Mose 15:16

Oun pal star menshengro phourepen venna tire menshe kate pale. Koy doosh kolendar, kay kanna kate djivenn – kolla hi i Amorarya – hi kanna gar bares doha, te tradap len vin.”

1. Familjakro liil 16:12

T'mer, kay venn pal o Israel, o Debleskro boudepaskro, t'mer čave o Yakobestar, koles yob vin rodas, ma bistrenn, hoy yob lauter kras an peskri bari zoor, kova, hoy kek vavar nay kras! Ma bistrenn, har yob o čačepen pral i menshende vin rakras!

Nehemia 1:10

Yon hi tire boudepangre, tire menshe, kolen tou vin lal dran i čilače vasta tiri bari zoryah oun tiro zorelo vasteha.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Debleskri gili 105:5

T'mer, kay venn pal o Abraham, o Debleskro boudepaskro, t'mer čave o Yakobestar, koles yob vin rodas, ma bistrenn, hoy yob lauter kras an peskri bari zoor, kova, hoy kek vavar nay kras! Ma bistrenn, har yob o čačepen pral i menshende vin rakras!

Debleskri gili 114:1

Har o Israel dran o them Egiptia vin djas, har o Yakobeskre menshe kol menshen moukan, kolengro rakepen yon gar hayvan,

Debleskri gili 136:11

Oun anas o Israel dran o them Egiptia vin. Leskro lačepen ačella hako tsireske!

Debleskri gili 136:12

Peskro zorelo vasteha kras lo kova. Leskro lačepen ačella hako tsireske!

Debleskri gili 89:14

Tout hi i zoreli moussi, tiro vast hi zorelo, oun pre hadedo tiro čačo vast, te sikress tiri zoor pral i menshende.

2. Mose 12:15

Efta divessa rhan t'mer maro, kay kek shoutlo yarro dren hi. Ap o ersto dives čivenn t'mer o shoutlo yarro krik. Kova, kay an kol efta divessa maro rhal, kay shoutlo yarro dren hi, kova vell pale-čiddo, oun hounte djivell bouder gar mank i Israelitarya.

2. Mose 12:17

Rikrenn t'men ap kal laba: An kol efta divessa rhan t'mer maro, kay kek shoutlo yarro dren hi. Ap kava dives lom me t'men lauteren dran o them Egiptia vin. Doleske rikrenn t'men ap kava, oun krenn kova hako bersh, t'mer oun t'mare čave, kay venna pal t'mende hako tsiro.

2. Mose 12:19

Efta divessa hounte vell kek shoutlo yarro an t'mare khera hatslo. Hakeno, kay maro rhala, kay shoutlo yarro dren hi, vell pale-čiddo, oun hounte djivell bouder gar mashkral i Israelitarya. Kova nay vell i vi-themari, ninna i Israelitari.

2. Mose 12:2

“Kava čon vell t'menge o ersto čon an o bersh.

2. Mose 12:41

Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 12:42

Koya rat, kay o baro Devel kokres ap lende garda das, te lell lo len vin dran o them Egiptia, kaya rat hounte vell o baro Debleske an hako bersh. An kaya rat hounte ačenn i Israelitarya pre, te sovenn le gar. Yaake sharenn le o baro Debles.

2. Mose 12:8

Ko mass vell peklo pral i yag. Oun yon hounte rhan les an koy rat khetne o maro, kay kek shoutlo yarro dren hi. Oun shoutlo zenlepen rhan le pashel.

2. Mose 13:14

An ko tsiro, hoy vella, te poučenn toutar tire čave: Hoske kreh tou kova? palle peness tou ap lende: O baro Devel las men i zorelo vasteha vin dran o them Egiptia, kay hounte boudram tel dava.

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 20:8

Ma biste, kay o eftato dives o Debleskro dives hi!

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 3:20

Doleske čivau bari bibarht ap i Egiptarya, oun krau baro koova mank lende, hoy sikrella miri zoor. Pal kova moukenn le t'men te djal.

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

2. Mose 6:1

Koy penas o baro Devel ap o Mose: “Kanna dikess tou, hoy me o Faraeske krau. Dran miri bari zoor moukell lo len te djal. Miro vast vell yaake zorelo ap leste, te tradell lo len dran o them vin.”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

Jeremia 34:13

Kava penell o baro Devel, kay o Israeleskro Devel hi: Me krom t'mare phourentsa vin, har anom len dran o them Egiptia vin, kay yon pandle boudepangre his,

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

Mateo 10:12

Te venn t'mer an i kheer dren, palle rakrenn o Debleskri barht pral kol menshende vin!

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

1. Korintarja 11:24

parkras pes pash o Debleste, oun phagas ko maro oun penas: “Kava hi miro mass, hoy t'menge dino vella. Hako kopo, kay phagenn t'mer o maro, ma bistrenn, hoy me t'menge krom!”

1. Korintarja 5:8

Oun yaake har čivan yon ko shoutlo yarro krik oun rhan sau maro, kay kek shoutlo yarro dren his, yaake hounte djivas mer maro nevo djipen an o djoudjepen oun an o čačepen. Mer hounte moukas maro phouro djipen, oun djivas bouder gar an o čilačepen.

Efesarja 1:19

Oun me mangau lestar ninna, te hayvenn t'mer, har bari leskri zoor hi, hoy an mende hi, kay patsah. Koy zoor hi i emligi bari zoor,

5. Mose 13:10

Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 13:11

Yob kamas tout krik te anell tiro baro Deblestar, kolestar, kay tout vin anas dran o pandepen an o them Egiptia. Doleske hounte vell yob moules vitsedo i barrentsa.

5. Mose 13:5

Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

5. Mose 15:15

Oun tou bistress gar, te hals i boudepaskro an o them Egiptia, oun tiro baro Devel las tout kote vin. Doleske penau me touke kova kava dives.

5. Mose 16:1

Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.

5. Mose 16:12

Oun ma bistrenn, te hans t'mer pandle boudepangre an o them Egiptia. Oun denn yak ap kal laba, te rikrenn t'men ap lende!

5. Mose 16:3

Te rhan t'mer ko rhapen, ma rhan maro koy pashel, kay shoutlo yarro dren hi. Har djan t'menge dran o them Egiptia vin, hounte rhan efta divessa maro, an koleste kek shoutlo yarro dren his, yaake sik hounte nashenn t'menge. Kanna rhan ninna efta divessa maro, kay kek shoutlo yarro dren hi, te bistrenn gar ko dives, kay djan dran o them Egiptia vin, kay anan le yaake boud douka ap t'mende. Doleske kharah mer kava maro doukengro maro.

5. Mose 24:18

Ma bistrenn te hans pandle boudepangre an o them Egiptia, oun te las t'men t'maro baro Devel dran o pandepen vin. Doleske penau me t'menge, te dikenn ap i čorvelende.

5. Mose 24:22

Ma bistrenn, te hans pandle boudepangre an o them Egiptia. Doleske penau me t'menge, te dikenn ap i čorvelende.

5. Mose 26:8

Oun o baro Devel kras baro oun zorelo koova, hoy kek vavar nay krell, oun anas bari traash ap i Egiptarya, oun anas men peskro zorelo vasteha dran o them Egiptia vin.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 5:15

Ma biste, kay hals i boudepaskro an o them Egiptia, oun me, tiro baro Devel, las tout vin miro zorelo vasteha oun pre-hadedi moussyah. Doleske penau me touke: Rike miro dives yaake.

5. Mose 5:6

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

5. Mose 6:12

palle de yak, te bistress gar o baro Debles, kay anas tout vin dran o pandepen dran o them Egiptia.

5. Mose 6:21

Palle peness tou ap tiro čaveste: “Mer hams boudepangre o baro rayestar an o them Egiptia. Oun o baro Devel anas men vin dran Egiptia peskri bari zoryah.

5. Mose 7:8

Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

5. Mose 9:12

oun penas ap mande: “Naash, dja sik kay berga tele! Kol menshe, kay tou dran o them Egiptia vin anal, kran i čilačo koova. Sik djan le ko dromestar tele, kay me sikrom lende. Yon kran penge i devel dran sonakay.”

Josua 24:17

O baro Devel hi maro Devel, oun yob his kova, kay las men oun mare phouren dran o them Egiptia vin, kay pandle hams. Oun glan mare yaka kras yob kava tselo baro koova an peskri zoor. Oun das ap mende yak, o tselo drom, har djam an i tsele themma, kay kol vavar menshe djivan.

Čačepangre 2:12

oun moukan o baro Debles, kay o Devel lengre phoure dadendar hi, oun len vin anas dran o them Egiptia. Oun yon nashan vavar deblenge palla, – kol deblenge, kolen i menshe an-mangan, kay troul lende djivan. Oun yon peran glan lende tele, oun yaake kran le, te vell o baro Devel rhoyedo.

Čačepangre 6:8

kote bičras o baro Devel i Debleskro rakepaskro pash lende. Oun kova penas lenge: “Kava penell o baro Devel, o Devel pral o Israel: Me anom t'men dran o them Egiptia vin, kay t'mer pandle boudepangre hans,