2. Mose 13:21 - O Debleskro Lab 2024 (Sinte-Manouche)

²¹ O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

O Debleskro Drom 2021 (Sinte)

²¹ O baro Dewel djas glan lende ap o diwes an i bari wolka, te anell lo len ap o tchatcho drom, un rati an i bari jag, te well lenge i momeli, jaake te nai djan le ap o diwes un ninna an i rat.

2. Mose 13:21 Iomraidhean Croise

Nehemia 9:12

Oun tou sikral len o drom. Ap o dives djas i folka glan lende, oun i rati i yag, te vell len i momeli ap o drom, koles yon hounte djan.

Nehemia 9:19

Tou moukal len gar kokres, kote an o moulo them. Yaake baro his tiro kamlepen lenge. Koy bari folka ačas ap o dives, te sikrell li o drom, koles yon hounte djan. Oun i yag ačas an i rat, te vell len i momeli ap o drom, koles yon djan.

Debleskri gili 105:39

O baro Devel khatras peskre menshen tel i folka, oun rati sikras len i yag o drom.

Debleskri gili 68:7

Kolen, kay kokres hi, anell lo khere, kolen, kay stilde hi, lell lo vin dran o stilepen, te djal lenge pale mishto. Hi vavarčandes kolentsa, kay kamenn či lestar te djinell: Kolla hounte ačenn an o moulo them.

Debleskri gili 77:20

Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.

Debleskri gili 78:14

Ap o dives djas lo glan lende an i folka, oun rati an i yag, te vas len i momeli.

Debleskri gili 99:7

Dran i folka rakras lo lentsa, oun yon rikran leskre laba, oun kran, hoy yob lendar kamas.

2. Mose 10:10

O Farao penas ap lende: “O baro Debleskri barht pral t'mende! Patseh tou čačepah, kay me moukau t'men t'mare čaventsa te djal? Ap kova dikenn, te hi t'men čilačepen an o shero.

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

4. Mose 10:34

Oun ap o dives, har djan le doureder, his o baro Debleskri folka pral lende.

4. Mose 14:14

penenn le kova kol menshenge an kava them. Kolla shounan, kay tou, baro Devel, mashkral tire menshende hal, oun kay nay dikenn yon tout, oun tiri folka pral lende tardo hi, oun kay tou, o baro Devel, glan lende djah, an i folka ap o dives, oun rati an i yag.

5. Mose 1:33

koles, kay o tselo drom glan t'mende djas, te sikrell lo t'mende i platsa, kay nay čivenn t'men tele, Yob sikras t'menge o drom rati an i yag, oun pral o dives an i folka.

5. Mose 31:8

O baro Devel hi kova, kay djal glan toute, yob hi touha! Yob ačell pash toute oun moukell tout gar kokres. Ma dare či oun ma traash kekestar!”