2. Mose 13:19 - O Debleskro Lab 2024 (Sinte-Manouche)

¹⁹ O Mose las o Yosefeskre kokale peha. Har o Yosef meras, penas lo ap peskre phralende: “O Devel bistrell t'men gar oun lell t'men vin dran kava them. Denn t'men sovel, te lenn palle ninna mire kokale t'mentsa.”

O Debleskro Drom 2021 (Sinte)

¹⁹ O Mose las o Josefeskre kokale peha. Har o Josef meras, penas lo ap peskre phralende: “O Dewel bistrell tumen gar un lell tumen win dran kau them. Denn tumen sowel, te lenn palle ninna mire kokale tumentsa.”

2. Mose 13:19 Iomraidhean Croise

1. Mose 48:21

Oun o Israel penas ap o Yosefeste: “Me merau. O Devel hi pash t'mende oun anell t'men pale an t'maro dadengro them.

2. Mose 4:31

Oun yon patsan len. Oun har shounan i Israelitarya, te dikas o baro Devel lengro pharo djipen, oun kamell lenge lačepen te krell, koy vitsran pen le ap i phoub, oun mangan o Debles an.

Louka 1:58

Lakre menshe oun kolla, kay djivan troul late, shounan kova, oun van barhteles lah pral ko baro lačepen, hoy o Devel kras ap late.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Bičepangre 7:15

Yaake vas o Yakob an o them Egiptia, oun kote djivas lo peskre čaventsa. Kolla hi mare phoure. Oun kote meran le ninna.

Bičepangre 7:16

Oun lengre čave anan len an o them Kanaan oun paskran len an o foro Sichem ap ko kotar phoub, hoy ginas o Abraham kol menshendar, kolengro phouro dad o Hamor his.

Hebrearja 11:22

Ninna o Yosef patsas, te vell kova čačo, hoy o Devel penas. Har yob ap o merepen čiddo his, penas lo peskre phralenge, te vell ko tsiro, kay djan i Israelitarya dran o them Egiptia vin. Palle hounte lenn le leskre kokale lentsa.

Josua 24:32

Oun o Yosefeskre kokale, hoy i Israelitarya pentsa lan dran o them Egiptia, paskran le an o foro Sichem ap ko kotar phoub, hoy o Yakob ginas kol čavendar o morshestar Hamor, koleskro dad o Sichem his. O Yakob playsras ko kotar phoub 100 (sheel) roupene kotya. Kava kotar them vas o Yosefeskre čavenge dino.