2. Mose 13:18 - O Debleskro Lab 2024 (Sinte-Manouche)

¹⁸ Doleske moukas lo len i baro drom troul o Filistarengro them te djal. Ko drom anas len an o moulo tato them pash ko baro pani, hoy kharella Baro Lolo Pani. Oun i Israelitarya djan penge dran o them Egiptia yaake har te djan le an o kourepen.

O Debleskro Drom 2021 (Sinte)

¹⁸ Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

2. Mose 13:18 Iomraidhean Croise

1. Mose 50:25

Oun o Yosef kamas te denn pen o Israeleskre čave sovel oun penas ap lende: “Te anell o Devel t'men khere, lenn man t'mentsa!” Oun yon dan pen sovel glan leste.

Debleskri gili 107:7

Oun yob sikras len o čačo drom, yaake te van le an i foro, kay menshe djivenna.

Debleskri gili 136:16

Yob anas peskre menshen ap o drom mashkral o moulo tato them. Leskro lačepen ačella hako tsireske!

Debleskri gili 68:8

Maro Devel, har djal tou glan tire menshende, oun anal len ap o drom mashkral o moulo tato them,

2. Mose 12:51

Oun ap kava dives anas o baro Devel i tsele Israeleskre familyen vin dran o them Egiptia, yek familya pal i vavar.

2. Mose 14:2

“Pen, te rissrenn pen i Israelitarya, oun te djan le pash ko foro Pi-Hahirot mashkral Migdol oun o baro pani. Glan Baal-Zefon ap i vavar rig pash o baro pani ačenn!

2. Mose 14:9

Oun i Egiptarya lan len palla pengre grayentsa, vourdyentsa oun morshentsa. I tsele rayeskre lourde lan len palla, oun dikan len, har his le beshdo pash o baro pani pash ko foro Pi-Hahirot glan o foro Baal-Zefon.

5. Mose 17:16

T'maro rayes hounte vell gar boud graya oun hounte bičrell gar i Israelitaryen pale an o them Egiptia, te ginenn le leske graya. O baro Devel penas t'menge, te djan t'mer kava drom gar bouder pale.

5. Mose 32:10

Yob hatsas i Israelitaryen an o moulo them, kote kay či bares vell. Oun yob rikras peskre vasta pral lende, oun das kote yak ap lende, yaake har yob ap peste kokres yak dals.

Josua 1:14

T'mare romya oun t'mare čave oun t'mare firhe ačenn an kava them, hoy o Mose t'men das, ap kay rig o panyestar Yordan. T'mer morsha, halauter kay han čače kourepangre, lenn t'mare rhare t'mentsa, oun djan glan t'mare phralende ap i vavar rig! Yon hi t'mare phrala. Doleske hounte venn lenge ap i rig yaake rah, bis te dell o baro Devel lende ninna o them, kay yon khere venn, yaake har t'men. Palle djan t'mer pale pale an t'maro them, hoy das t'men o baro Debleskro boudepaskro, o Mose: ko them, hoy ap kay rig o panyestar Yordan hi, kay o kham pre djala.”

Josua 4:12

Oun i morsha, kay dran o kheer Ruben oun dran o kheer Gad his, oun kol paash kolendar dran o kheer Manasse, kolla lan pengre rhare pentsa, oun djan glan i vavar Israelitarya, yaake har o Mose kova glan i tsiro ap lende penas.

Josua 4:13

Yaake 40.000 (star-deesh-zerya) lourde djan an o kourepen an o telstouno them pash o foro Yericho. Oun o baro Devel his lentsa.