2. Mose 13:16 - O Debleskro Lab 2024 (Sinte-Manouche)

¹⁶ Kava vell touke har i sikepen ap o vast oun mashkral tire yaka, te bistress gar, te las men o baro Devel peskro zorelo vasteha dran o them Egiptia vin.”

O Debleskro Drom 2021 (Sinte)

¹⁶ Kawa well tuke har i sikepen ap o wast un mashkral tire jaka, te bistress gar, te las men o baro Dewel peskro sorelo wasteha dran o them Egiptia win.”

2. Mose 13:16 Iomraidhean Croise

Nehemia 1:10

Yon hi tire boudepangre, tire menshe, kolen tou vin lal dran i čilače vasta tiri bari zoryah oun tiro zorelo vasteha.

Debleskri gili 136:11

Oun anas o Israel dran o them Egiptia vin. Leskro lačepen ačella hako tsireske!

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

2. Mose 12:41

Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 13:14

An ko tsiro, hoy vella, te poučenn toutar tire čave: Hoske kreh tou kova? palle peness tou ap lende: O baro Devel las men i zorelo vasteha vin dran o them Egiptia, kay hounte boudram tel dava.

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

2. Mose 6:1

Koy penas o baro Devel ap o Mose: “Kanna dikess tou, hoy me o Faraeske krau. Dran miri bari zoor moukell lo len te djal. Miro vast vell yaake zorelo ap leste, te tradell lo len dran o them vin.”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Gosewe laba 6:21

Čip lengre laba an tiro dji, pande len touke troul tiri meen har i verkli.

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

Mateo 23:5

Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

Bičepangre 13:17

O Devel, koles mer Israelitarya an-mangah, kova rodas mare phouren vin. Oun yon van boud, har yon an o them Egiptia vi-themarya his. Kote anas lo len bari zoryah vin.

5. Mose 11:18

Ma bistrenn kal laba! Čivenn len ap t'mare djia, oun pandenn len troul t'mare moussya oun troul t'maro shero, te bistrenn len gar!

5. Mose 26:8

Oun o baro Devel kras baro oun zorelo koova, hoy kek vavar nay krell, oun anas bari traash ap i Egiptarya, oun anas men peskro zorelo vasteha dran o them Egiptia vin.

5. Mose 5:15

Ma biste, kay hals i boudepaskro an o them Egiptia, oun me, tiro baro Devel, las tout vin miro zorelo vasteha oun pre-hadedi moussyah. Doleske penau me touke: Rike miro dives yaake.

5. Mose 6:21

Palle peness tou ap tiro čaveste: “Mer hams boudepangre o baro rayestar an o them Egiptia. Oun o baro Devel anas men vin dran Egiptia peskri bari zoryah.

Čačepangre 2:12

oun moukan o baro Debles, kay o Devel lengre phoure dadendar hi, oun len vin anas dran o them Egiptia. Oun yon nashan vavar deblenge palla, – kol deblenge, kolen i menshe an-mangan, kay troul lende djivan. Oun yon peran glan lende tele, oun yaake kran le, te vell o baro Devel rhoyedo.