2. Mose 12:6 - O Debleskro Lab 2024 (Sinte-Manouche)

⁶ Oun rikrenn les pash t'mende bis ap o deesh-te-starto dives. Rati ap ko dives, hounte marell haki Israeltikri familya peskro bakro.

O Debleskro Drom 2021 (Sinte)

⁶ Un rikrenn les pash tumende bis ap o deesh-te-starto diwes. Rati ap ko diwes, hunte marell haki Israeltikri familja peskro bakro.

2. Mose 12:6 Iomraidhean Croise

2. Familjakro liil 35:1

Oun o Yosia kras an o foro Yerusalem ko festo, hoy kharell Passa, te sharenn le o baro Debles. Ap o 14. (deesh-te-starto) dives an o ersto čon maran le i terne bakre, te rhan le len ap ko festo.

Esra 6:19

Oun kolla, kay van dran o pandepen pale an o them Israel, rikran o Passa ap o 14. (deesh-te-starto) dives an o ersto čon.

2. Mose 12:14

Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

2. Mose 12:17

Rikrenn t'men ap kal laba: An kol efta divessa rhan t'mer maro, kay kek shoutlo yarro dren hi. Ap kava dives lom me t'men lauteren dran o them Egiptia vin. Doleske rikrenn t'men ap kava, oun krenn kova hako bersh, t'mer oun t'mare čave, kay venna pal t'mende hako tsiro.

2. Mose 12:18

An o ersto čon ap o deesh-te-starto dives ap i rat rhan t'mer maro, kay kek shoutlo yarro dren hi, bis ap o biish-te-yekto dives ap i rat.

2. Mose 12:47

I tsele Israelitarya hounte rhan ko Passa.

2. Mose 16:1

An o douyto čon, ap o deesh-te-pančto dives pal ko dives, kay yon penge dran o them Egiptia djan, moukan le koy platsa Elim oun djan doureder. Oun i tsele Israelitarya van an o moulo tato them Sin. Kova hi mashkral Elim oun i berga Sinay.

2. Mose 16:12

“Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”

2. Mose 19:1

Oun i Israelitarya djan penge dran Refidim oun van an o moulo tato them Sinay. Ap kova dives his triin čonna, har nashan le dran o them Egiptia. Oun yon ačan glan i berga.

2. Mose 29:39

ko yek bakro taysarlakro oun ko vavar bakro ap i rat.

2. Mose 29:41

Kova kre taysarlakro oun rati ninna! Yaake aneh tou rhapen oun pipen o Debleske. Oun o lačo soungepen, hoy vell vin, te vell kova lauter rhačedo an i yag, soungella mishto o baro Debleske.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Ezekiel 45:21

An o glanstouno čon ap o 14. (deesh-te-starto) dives an ko čon, rikrenn kol bare divessa dren, hoy kharenn Passa, oun hoy djan 7 (efta) divessa. An kava tsiro hounte rhan kek maro dran shoutlo yarro.

3. Mose 23:5

Ap o 14. (deesh-te-starto) dives an o ersto čon, har o kham tele djas, vell ko dives, hoy hi o baro Debleske. Kava dives kharell Passa.

4. Mose 28:16

Ap o deesh-te-starto dives an o ersto čon hi ko dives, hoy hi o baro Debleske, oun hoy kharell Passa.

4. Mose 28:18

Ap o ersto dives hounte venn khetne glan o baro Debleste. Kek hounte boudrell ap ko dives.

4. Mose 9:11

Yon hounte rhan ko rhapen an o douyto čon ap o deesh-te-starto dives, ap i rati, oun hounte rhan koy pashel ko maro, kay kek shoutlo yarro dren hi, ninna shoutlo zenlepen.

Mateo 27:20

I bare rashaya oun i biboldengre phoureder rakran boud ap kol tsele menshende kote dren, te penenn yon, te vell o Barabas dran o stilepen vin, oun te vell o Yezous maredo.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Markus 15:1

Sik taysarlake van i bare rashaya oun i biboldengre phoureder oun čačepangre khetne i tsele pralstoune biboldentsa. Oun yon rakran khetne, hoy te krenn le o Yezouseha. Oun yon pandan les, anan les pash o Pilateste oun dan les an leskre vasta.

Markus 15:11

Koy kran kol bare rashaya i menshen divyo, te penenn le o Pilateske: “Mer kamah feteder, te moukess o Barabes vin!”

Markus 15:25

His taysarlake enyenge, kay dan le les ap o troushel.

Markus 15:8

Oun i bibolde djan pash o Pilateste, oun mangan lestar, te krell lo yaake, har yob ap hako Passa krella.

Louka 23:1

Oun lauter stan pre, oun anan o Yezouses pash o Pilateste.

Louka 23:18

Koy dan i tsele menshe gole: “Mare les, oun de men o Barabes!”

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 3:14

T'mer dan koles bourhoste, kay vas o Deblestar, oun kay his kek čilačepen an leste. Oun t'mer mangan o Pilatestar, te moukell lo koles dran o stilepen te djal, kay maras yekes.

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

Josua 5:10

Oun har i Israelitarya pengre plarhtene khera pre čivan pash Gilgal an o telstouno them, kay o foro Yericho čiddo hi, kote rhan le ap i rati ko rhapen, hoy kharella Passa. Kova his ap o deesh-te-starto dives an ko čon.