2. Mose 12:43 - O Debleskro Lab 2024 (Sinte-Manouche)

⁴³ Oun o baro Devel rakras ap o Mose oun ap o Aron: “Hako kopo, kay rhan t'mer o rhapen, hoy kharella Passa, rikrenn t'men ap kal laba: Kek vi-themari rhal kava rhapen.

O Debleskro Drom 2021 (Sinte)

⁴³ Un o baro Dewel rakras ap o Mose un ap o Aron: “Hako kopo, kai chan tumer o chapen, hoi kharella Passa, rikrenn tumen ap kal laba: Kek wi-themari chal kau chapen.

2. Mose 12:43 Iomraidhean Croise

2. Familjakro liil 30:18

Boud kol menshendar dran i khera Efrayim, Manasse, Issakar oun Zabulon, kran pen gar djoudjo oun rhan ko rhapen Passa gar yaake, har glan-činlo his. Doleske mangas o Hiskiya o baro Debles lenge oun penas: “Tou, baro Devel, ko Devel mare phourendar, hal lačes menge, me mangau tout, ab kamles halauterenge, kay rodenn tout o tselo djiyeha, tout, o baro Debles, ninna te kran le pen gar yaake djoudjo touke, har hounte krans le!”

2. Mose 12:11

Yaake hounte rhan les: troul t'maro per i dori pandlo, i kirrha ap t'mare herya, oun i kasht an t'maro vast. Rhan o rhapen sik! Ko rhapen kharell Passa. T'mer rhan les, te sharenn man, t'maro baro Debles.

2. Mose 12:48

Te djivell i vi-themari pash t'mende, kay kamell o baro Debleske o Passa te rhal, palle hounte vell hako morsh an leskri familya činlo ap peskro mass. Kova te kras lo, palle vell lo, oun nay rhal lo. Oun yob vell har yek t'mendar. Kova, kay gar činlo hi ap peskro mass, kova rhal ko Passa gar.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

3. Mose 22:10

Kek vavar rhal foun ko rhapen, hoy mange anlo vell, vitar gar kova, kay yek tsiro pash o rashayeste djivell, oder kova, kay i dives pash o rashayeste boudrell oun lestar playsedo vell.

3. Mose 22:13

Te meras lakro rom oder moukas lat, oun lat hi kek čave, oun yoy djal pale an peskro dadeskro kheer, palle nay rhal li foun peskro dadeskro rhapen yaake har kras li, har li terni his. Kokres kolla dran o rashayeskri familya nay rhan foun ko rhapen, hoy o baro Debleske anlo vas.

4. Mose 9:14

Oun te hi yek mank t'mende, kay gar t'mendar hi, oun kova kamell ninna o baro Debleske o dives Passa te rikrell, yaake nay krell yob kova yaake, har t'menge penom, pal mire tsele laba. Kol laba hi leske har t'menge.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

1. Samuel 2:27

Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.