2. Mose 12:42 - O Debleskro Lab 2024 (Sinte-Manouche)

⁴² Koya rat, kay o baro Devel kokres ap lende garda das, te lell lo len vin dran o them Egiptia, kaya rat hounte vell o baro Debleske an hako bersh. An kaya rat hounte ačenn i Israelitarya pre, te sovenn le gar. Yaake sharenn le o baro Debles.

O Debleskro Drom 2021 (Sinte)

⁴² Koja rat, kai o baro Dewel kokres ap lende garda das, te lell lo len win dran o them Egiptia, kaja rat hunte well o baro Debleske an hako bersh. An kaja rat hunte atchenn i Israelitarja pre, te sowenn le gar. Jaake sharenn le o baro Debles.

2. Mose 12:42 Iomraidhean Croise

Debleskri gili 136:11

Oun anas o Israel dran o them Egiptia vin. Leskro lačepen ačella hako tsireske!

2. Mose 12:14

Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

2. Mose 13:10

Yaake rikress tou kal laba hako bersh an o emligo tsiro.

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.