2. Mose 12:41 - O Debleskro Lab 2024 (Sinte-Manouche)

⁴¹ Oun har kal bersha trouyel his, ap ko dives, djan o baro Debleskre menshe vin dran o them Egiptia.

O Debleskro Drom 2021 (Sinte)

⁴¹ Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 12:41 Iomraidhean Croise

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Rajengro liil 6:1

An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

2. Familjakro liil 14:12

Oun o Asa oun i tsele lourde, kay pash leste his, lan len palla bis pash o foro Gerar. Oun i Kousharya van yaake dino, te nay kourenn le pen bouder gar. O baro Devel kras, te van le khetne dino leskre lourdendar dran Youda. Oun kalla lan lendar boud kouč koova pentsa.

Debleskri gili 102:13

Tou, baro Devel, ačeh hake tsirenge, tout denn le an-gole an ko tsiro, hoy vella.

Debleskri gili 114:1

Har o Israel dran o them Egiptia vin djas, har o Yakobeskre menshe kol menshen moukan, kolengro rakepen yon gar hayvan,

Debleskri gili 136:11

Oun anas o Israel dran o them Egiptia vin. Leskro lačepen ačella hako tsireske!

2. Mose 12:17

Rikrenn t'men ap kal laba: An kol efta divessa rhan t'mer maro, kay kek shoutlo yarro dren hi. Ap kava dives lom me t'men lauteren dran o them Egiptia vin. Doleske rikrenn t'men ap kava, oun krenn kova hako bersh, t'mer oun t'mare čave, kay venna pal t'mende hako tsiro.

2. Mose 12:51

Oun ap kava dives anas o baro Devel i tsele Israeleskre familyen vin dran o them Egiptia, yek familya pal i vavar.

2. Mose 13:14

An ko tsiro, hoy vella, te poučenn toutar tire čave: Hoske kreh tou kova? palle peness tou ap lende: O baro Devel las men i zorelo vasteha vin dran o them Egiptia, kay hounte boudram tel dava.

2. Mose 13:16

Kava vell touke har i sikepen ap o vast oun mashkral tire yaka, te bistress gar, te las men o baro Devel peskro zorelo vasteha dran o them Egiptia vin.”

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

2. Mose 3:10

Kanna dja pash o Farao! Me bičrau tout, te less mire menshen, i Israelitarya, vin dran o them Egiptia.”

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

2. Mose 6:26

Kova Aron oun kova Mose hi kolla, ap kolende o baro Devel penas: “Anenn i Israelitarya vin dran o them Egiptia! Anenn len yaake vin, te djal haki bari familya khetne!”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

3. Mose 23:43

Krenn kova yaake, te djinenn t'mare čave, te moukom me, o baro Devel, i Israelitaryen an patyengre khera te djivell, har anom len vin dran o them Egiptia. Me, o baro Devel, hom t'maro Devel.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

4. Mose 23:22

O Devel las len dran o them Egiptia vin, oun kourell pes lenge har i divyo gouroum.

4. Mose 33:1

Kalla hi kol platse, kay čivan i Israelitarya pengre plarhtene khera pre, har djan le vin dran o them Egiptia pengre lourdentsa. Vi las len o Mose oun o Aron.

Johanni 7:8

Djan t'mer ap o festo! Me djau gar peha. O tsiro hi mange kanna gar kay.”

Bičepangre 1:7

Koy penas o Yezous: “O tsiro, kay o dad kova krella, hi leskro koova. T'mer hounte djinenn kova gar.

Bičepangre 7:36

Kava Mose anas i Israelitaryen vin oun kras baro oun zorelo koova an o Debleskri zoor an o them Egiptia, oun pash o lolo pani, oun star-deesh bersha an o moulo them.

5. Mose 16:1

Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.

5. Mose 4:37

Yob kamas t'mare phouren o tselo djiyestar, oun rodas lengre čaven vin oun kolengre čaven, oun halauter kay lendar venna. Oun yob djas t'mentsa, har anas lo t'men vin dran o them Egiptia peskri bari zoryah,

Josua 24:5

Pal boud tsiro bičrom o Mose oun o Aron pash lende, oun anom bari bibarht pral o them Egiptia koveha, hoy krom kote. Pal kova lom t'mare phouren dran o them Egiptia vin.

Josua 5:14

Oun yob penas: “Kek kol douyendar! Me hom o pralstouno pral o baro Debleskre lourdende. Oun kanna vom kay.” Kote peras o Yosua ap peskro mouy ap i phoub, oun mangas les an, oun penas ap leste: “Me hom tiro boudepaskro. Hoy penell miro ray ap mande, te krap?”