2. Mose 12:21 - O Debleskro Lab 2024 (Sinte-Manouche)

²¹ Oun o Mose moukas i tsele phoureden i menshendar Israel pash peste te vell, oun penas ap lende: “Lenn t'menge t'mare familyenge bakre vin ko rhapaske, hoy kharella Passa! Marenn len!

O Debleskro Drom 2021 (Sinte)

²¹ Un o Mose mukas i tsele phureden i menshendar Israel pash peste te well, un penas ap lende: “Lenn tumenge tumare familjenge bakre win ko chapaske, hoi kharella Passa! Marenn len!

2. Mose 12:21 Iomraidhean Croise

2. Rajengro liil 23:21

Oun o baro ray, o Yosia, moukas i menshenge zoreles te penell: “Krenn t'maro baro Debleske ko rhapen, hoy kharell Passa, yaake har činlo hi an ko liil, kay tardo hi, hoy o Devel peskre menshendar kamella!”

Esra 6:20

Koleske thovan pen i Levitarya yaake har glan činlo his, te venn le djoudjo glan o Debleste. Oun hake morsha lendar his djoudjo oun maran i terne bakre, hoy venn Passa kharedo, lauterenge, kay van dran o pandepen pale, ninna lengre phralenge oun i rashayenge oun penge kokres.

2. Mose 12:11

Yaake hounte rhan les: troul t'maro per i dori pandlo, i kirrha ap t'mare herya, oun i kasht an t'maro vast. Rhan o rhapen sik! Ko rhapen kharell Passa. T'mer rhan les, te sharenn man, t'maro baro Debles.

2. Mose 12:20

Ma rhan shoutlo maro, kay t'mer ninna djivenn! Rhan kokres maro, kay kek shoutlo yarro dren hi!”

2. Mose 12:3

Rakrenn ap i tsele Israelitarya oun penenn: Ap o deshto dives an kava čon lell peske hako dad i terno bakro peskre menshenge an peskro kheer.

2. Mose 17:5

Oun o baro Devel penas ap leste: “Le morshen kol phourendar touha oun dja lentsa glan i Israelitarya! Le ninna ko kasht an tiro vast, hoy dal ap o pani Nil!

2. Mose 19:7

Koy djas o Mose pale oun das i tsele phoureden gole oun penas lenge kal laba, hoy o baro Devel leske penas.

2. Mose 3:16

Dja kanna an o them Egiptia, oun de i phoureden i menshendar Israel khetne gole, oun pen ap lende: O baro Devel, ko Devel t'mare phoure dadendar, moukas pes te dikell glan mande. Yob hi o Devel, koles o Abraham, o Isaak oun o Yakob an-mangan. Oun yob penas ap mande: Me dom ap lauter yak, hoy yon t'mentsa an o them Egiptia kran.

4. Mose 11:16

Oun o baro Devel penas leske: “Le touke efta-deesh morsha kol phourendar an Israel, kolendar, kay tou djineh, kay hi yon pralstoune pral i menshende. An len glan o Debleskro plarhteno kheer. Kote venn le glan toute tardo.

1. Korintarja 10:4

Oun yon piyan lauter ko yek pipen, kay vas o Deblestar. Yon piyan ko pani, kay vas dran i baro bar vin, kay lentsa djas. Ko bar his o Yezous Kristo.

Hebrearja 11:28

O Devel penas leske, havi bibarht pral o them Egiptia vella. Oun yob penas leske ninna, hoy i Israelitarya hounte krenn, te vell koy bibarht gar pral lende. Koy patsas o Mose, te vell kova čačo, hoy o Devel penas. Oun o Mose penas ap i Israelitarya, te marenn le bakren, oun te rhan le len – kava rhapen vas kharedo Passa – oun te makenn le i firhengro rat ap pengre voudya. Har palle o bolepaskro vas, te marell lo i tsele phoureder čaven, koy ačan i Israeleskre čave djido. Yon his an i khera, kay o rat ap i voudya hi.

Josua 5:10

Oun har i Israelitarya pengre plarhtene khera pre čivan pash Gilgal an o telstouno them, kay o foro Yericho čiddo hi, kote rhan le ap i rati ko rhapen, hoy kharella Passa. Kova his ap o deesh-te-starto dives an ko čon.