2. Mose 12:2 - O Debleskro Lab 2024 (Sinte-Manouche)

² “Kava čon vell t'menge o ersto čon an o bersh.

O Debleskro Drom 2021 (Sinte)

² “Kawa tchon well tumenge o ersto tchon an o bersh.

2. Mose 12:2 Iomraidhean Croise

Ester 3:7

Oun an o ersto čon, kova hi o čon Nisan, an o deesh-te-douyto bersh ko baro rayestar Ahasveros, moukas o Haman peske tikne barra te vitsrell, hoy kharenna Pourim, te hatsell lo vin, havo dives an havo čon ko feteder hi, te krell lo, hoy lo peske glan las. Oun kol tikne barra Pourim peran ap o deesh-te-triinto dives oun ap o deesh-te-douyto čon. Kova hi o čon Adar.

2. Mose 12:1

Oun o baro Devel penas ap o Mose oun ap o Aron an o them Egiptia:

2. Mose 12:18

An o ersto čon ap o deesh-te-starto dives ap i rat rhan t'mer maro, kay kek shoutlo yarro dren hi, bis ap o biish-te-yekto dives ap i rat.

2. Mose 12:3

Rakrenn ap i tsele Israelitarya oun penenn: Ap o deshto dives an kava čon lell peske hako dad i terno bakro peskre menshenge an peskro kheer.

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

2. Mose 40:17

Yaake vas o Debleskro kheer pre tardo an o douyto bersh ap o ersto dives an o ersto čon.

Ezekiel 45:18

Kava penell o baro Devel, maro ray: An o yekeskro čon ap o yekeskro dives an ko čon vell i terno sasto gouroum vi-rodedo oun maredo, te vell leskro rateha i doosh oun o pale-čiddo koova dran o Debleskro kheer krik lino.

Ezekiel 45:21

An o glanstouno čon ap o 14. (deesh-te-starto) dives an ko čon, rikrenn kol bare divessa dren, hoy kharenn Passa, oun hoy djan 7 (efta) divessa. An kava tsiro hounte rhan kek maro dran shoutlo yarro.

3. Mose 23:5

Ap o 14. (deesh-te-starto) dives an o ersto čon, har o kham tele djas, vell ko dives, hoy hi o baro Debleske. Kava dives kharell Passa.

4. Mose 28:16

Ap o deesh-te-starto dives an o ersto čon hi ko dives, hoy hi o baro Debleske, oun hoy kharell Passa.

5. Mose 16:1

Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.