2. Mose 12:16 - O Debleskro Lab 2024 (Sinte-Manouche)

¹⁶ Ap o ersto dives avenn khetne, te mangenn man an. Ninna ap o eftato dives krenn kova! Ma boudrenn ap kol douy divessa! Kokres o rhapen, hoy hakeno rhala, nay krenn t'mer.

O Debleskro Drom 2021 (Sinte)

¹⁶ Ap o ersto diwes awenn khetne, te mangenn man an. Ninna ap o eftato diwes krenn kowa! Ma budrenn ap kol dui diwessa! Kokres o chapen, hoi hakeno chala, nai krenn tumer.

2. Mose 12:16 Iomraidhean Croise

2. Mose 16:23

Oun yob penas ap lende: “Kava hi, hoy o baro Devel penas: Taysar hi i dives, kay vell kek boudi kerdo. Kova hi i dives o baro Debleske, te vell yob sharedo. Kava maro, hoy kamenn te pekell, kova pekenn! Kova, hoy kamenn te kerell an o pani, kova kerenn an o pani! Lauter, hoy pral ačella, hadenn pre i taysarlake!”

2. Mose 16:29

Dom me, o baro Devel, t'men gar o Debleskro dives? Doleske dau me t'men ap o shobto dives doha maro, te nay rhan les douy divessa. Yaake ačell hakeno t'mendar khere. Kek moukell ap o eftato dives i platsa, kay lo khere hi.”

2. Mose 16:5

Ap o shobto dives lenn le douy kope yaake boud khetne har hako dives oun pekenn les.”

2. Mose 20:10

O eftato dives hi mange, tiro baro Debleske. Ap ko dives kress tou kek boudi, vitar gar tire čave oun ča, vitar gar tiro boudepaskro oun tiri boudepaskretsa, vitar gar tire firhe, vitar gar kol vi-themarya, kay an tiro foro djivenna.

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

3. Mose 23:21

Denn vin gole, te venn khetne ap kava dives o baro Debleske. Kek boudi hounte krenn t'mer ap ko dives. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

3. Mose 23:27

O deshto dives an kava eftato čon hi o dives, kay vell halauter krik lino, hoy mank t'mende oun o baro Debleste tardo hi. Ap ko dives rhan či oun avenn khetne glan leste oun anenn leske firhen oun rhapen, hoy venn leske rhačedo.

3. Mose 23:35

Ap kava dives avenn khetne glan o baro Debleste! Kek boudi hounte krenn t'mer.

4. Mose 28:18

Ap o ersto dives hounte venn khetne glan o baro Debleste. Kek hounte boudrell ap ko dives.

4. Mose 28:25

Ap o eftato dives hounte venn pale khetne, te sharenn o baro Debles. Ap ko dives hounte krenn kek boudi.

4. Mose 28:26

Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.

4. Mose 29:1

Oun ap o ersto dives an o eftato čon hounte venn khetne glan o baro Debleste. Kek boudi hounte krenn ap ko dives. Kava hounte vell t'menge i dives, kay phourdenn i phourdepaskri.

4. Mose 29:12

Ap o deesh-te-pančto dives an o eftato čon hounte venn khetne glan o baro Debleste. Kek boudi krenn ap ko dives! Krenn i festo o Debleske efta divessa,

Johanni 19:31

His o dives glan o Debleskro dives. Ko Debleskro dives his i baro dives. Doleske kaman i pralstoune bibolde gar, te ačenn i moule ap ko Debleskro dives ap o troushel. Oun yon mangan o Pilatestar, te venn i herya kolendar phagedo, kay ap o troushel dino van, te merenn le sikeder. I bibolde kaman, te lenn le len sik tele.

5. Mose 16:8

Palle rhan shob divessa savo maro, an koleste kek shoutlo yarro hi! Oun ap o eftato dives avenn khetne, te sharenn t'maro baro Debles! Ap ko dives krenn kek boudi!