2. Mose 12:14 - O Debleskro Lab 2024 (Sinte-Manouche)

¹⁴ Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

O Debleskro Drom 2021 (Sinte)

¹⁴ Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 12:14 Iomraidhean Croise

2. Rajengro liil 23:21

Oun o baro ray, o Yosia, moukas i menshenge zoreles te penell: “Krenn t'maro baro Debleske ko rhapen, hoy kharell Passa, yaake har činlo hi an ko liil, kay tardo hi, hoy o Devel peskre menshendar kamella!”

Debleskri gili 111:4

Yob moukell men gar te bistrell, hoy lo an peskri bari zoor kras. Lačo oun kamlo hi lo.

Debleskri gili 135:13

Baro Devel, tiro lab ačella hako tsirenge. Tiro barepen ačella yaake rah, har menshe koy hi.

2. Mose 12:17

Rikrenn t'men ap kal laba: An kol efta divessa rhan t'mer maro, kay kek shoutlo yarro dren hi. Ap kava dives lom me t'men lauteren dran o them Egiptia vin. Doleske rikrenn t'men ap kava, oun krenn kova hako bersh, t'mer oun t'mare čave, kay venna pal t'mende hako tsiro.

2. Mose 12:24

Doleske rikrenn t'men ap kal laba, t'mer oun t'mare čave, kay venna pal t'mende, kanna oun hako tsiro.

2. Mose 12:43

Oun o baro Devel rakras ap o Mose oun ap o Aron: “Hako kopo, kay rhan t'mer o rhapen, hoy kharella Passa, rikrenn t'men ap kal laba: Kek vi-themari rhal kava rhapen.

2. Mose 12:6

Oun rikrenn les pash t'mende bis ap o deesh-te-starto dives. Rati ap ko dives, hounte marell haki Israeltikri familya peskro bakro.

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 5:1

Palle djas o Mose oun o Aron pash o Farao oun penan ap leste: “Yaake rakrella o baro Devel, kay o Israeleskro Devel hi: Mouk mire menshen te djal, te djan le an o moulo tato them, oun kote sharenn le man.”

Ezekiel 46:14

Oun haki tsalla vell koy pashel i rhapen glan o baro Debleste anlo: douy kilogramme yarro oun yek litari lačo djet, hoy ap o yarro čoredo vell. Yaake vell kova kerdo hako tsireske.

3. Mose 23:6

Oun o 15. (deesh-te-pančto) dives ninna an ko čon, hi ko ersto dives kol divessa, kay hounte rhan kek maro dran shoutlo yarro. Efta divessa rhan t'mer kek maro, an koleste shoutlo yarro hi.

Zakarie 6:14

Oun o baro rayeskri stadi ačell an o baro Debleskro kheer, te venn kol morsha Helday, Tobiya, Yedaya oun Yosia gar bistedo.”

4. Mose 10:8

Kol rashaya, o Aroneskre čave, hi kolla, kay hounte phourdenn an i phourdepangre. Kova hounte ačell yaake t'menge oun t'mare čavenge hako tsireske.

4. Mose 15:15

Kal laba, hoy penenn t'menge, hoy te krenn an kava koova hi t'menge lauterenge: t'menge, kol Israelitarya, oun ninna kol vavar menshenge, kay mank t'mende djivenna. Kol laba ačenna hako tsiro t'mare čavenge, hoy pal t'mende venna: Glan o baro Debleste hi o vi-themari yaake har t'mer han.

4. Mose 18:8

Oun o baro Devel penas ap o Aroneste: Shoun, tou boudreh mange. Doleske dau me tout oun tire čaven i kotar lauterestar, hoy i Israelitarya mange anenna. Kova te vell yaake hako tsireske.

Mateo 26:13

Čačepah, me penau t'menge: Ap i tseli phoub, kay mire laba i menshenge penlo venna, koy vell ninna penlo, hoy koya djouvel mange kras. Yoy vell gar bistedo.”

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

5. Mose 16:1

Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.

5. Mose 6:8

Pande kol laba ap i pandepen troul tiro vast oun troul tiro shero pral i yaka, te bistress len gar.

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”

1. Samuel 30:25

Kava lab, hoy o David ap ko dives penas, ačas tardo oun vas i čačepaskro lab. Oun o Israel hounte rikras pes ap leste bis kava dives.