2. Mose 12:12 - O Debleskro Lab 2024 (Sinte-Manouche)

¹² Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

O Debleskro Drom 2021 (Sinte)

¹² Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

2. Mose 12:12 Iomraidhean Croise

1. Familjakro liil 14:12

Har i Filistarya nashan penge, lan le pengre rhorhene deblen gar pentsa. Oun o David penas, te venn kolla rhačedo.

Debleskri gili 135:8

Yob hi kova, kay das i phoureder morsh čaven moulo an o them Egiptia pash i menshende, ninna pash i firhende,

Debleskri gili 82:1

I gili o Asafestar. O Devel hi tardo mashkral o bolepaskro tsillo, oun rakrell o čačepen vin pral i debla.

Debleskri gili 82:6

Ava, me penom: T'mer han debla, t'mer lauter han čave o pralstunestar.

Debleskri gili 91:7

Ninna te perenn i zerya menshe ap tiri rig, oun deesh zerya ap tiri čači rig, touke djal či.

Debleskri gili 95:3

O baro Devel hi o pralstouno Devel, o baro ray pral i tsele debla.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

2. Mose 21:6

Palle lell les leskro ray oun anell les glan o Debleste, oun čivell les glan o voudar tardo, oun dell i kashteni soub an leskro kand čourye. Kova sikrell, te ačell lo peskro tselo djipen leskro boudepaskro.

2. Mose 22:28

An ko tsiro, kay aneh tiro djob oun tire drake dren, de tiro Debles, hoy leske hi! Tiro phoureder morsh čaves dess tou tiro Debles.

2. Mose 6:2

Oun o Devel rakras o Moseha oun penas leske: “Me hom o baro Devel,

2. Mose 9:6

Oun o baro Devel kras kova ap o vavar dives yaake. Oun i tsele firhe, hoy i Egiptaryen his, meran. Kol firhendar, hoy i Israelitaryen his, meras kek firho.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jeremia 43:12

Oun me moukau kol khera te rhačrell, hoy i Egiptarya pengre deblenge kran. Oun lengre debla moukau pandles krik te anell. Oun yob krell o them Egiptia djoudjo i rhorhene deblendar yaake har i bakrengro i djouva vin lell dran peskri plaashka. Oun palle djal lo doureder oun kek rikrell les pre.

Jeremia 43:13

Oun yob phagell i bare barra pash o foro Bet-Shemesh an kotya. Oun i khera i deblentsa rhačrell lo tele an o them Egiptia.

Jeremia 46:25

O baro Devel, ko ray pral o bolepen oun i phoub, kay o Israeleskro Devel hi, yob penell: Me anau i phagi ap ko debleste Amon an o foro No, ninna ap o baro rayeste pral o them Egiptia, oun ap o tselo them Egiptia peskre deblentsa oun rayentsa. Ava, o Farao oun halauter, kay patsenn, te vell lo lenge ap i rig, kolla lenn pengri phagi.

Ezekiel 12:16

O rharo, i bok oun i pharo nasslepen marenn boud lendar. Gar boud lendar moukau djido. Kolla nay penenn kol menshenge, pash lende yon djivenn, havo djoungelo koova i Israelitarya kran. Yaake dikenn oun hayvenn kolla ninna, te hom me o baro Devel.

Amos 5:17

Ninna an i tsele drakengre themma givenn le ropaskre gilya. Kova lauter vell pral t'mende, te vau me, te dap t'men i phagi. Kova penau me, o baro Devel.

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.

4. Mose 33:4

har kolla pengre phoureder morsh čaven paskran, kolen o baro Devel maras mashkral lende. Yaake sikras lo i Egiptarende, te hi lo zorleder har lengre debla.

1. Samuel 5:3

Oun har i menshe an o foro Ashdod o vavar dives taysarlakro pre stan, kote hatsan le o Dagon ap peskro mouy čiddo ap i phoub glan o morhton, kay o baro Debleskre deesh laba dren hi. Oun yon lan o Dagon oun čivan les pale kote tardo, kay his lo.