2. Mose 11:3 - O Debleskro Lab 2024 (Sinte-Manouche)

³ Oun o baro Devel kras, te venn i Egiptarya lačes ap lende. Ninna his o Mose boud an-diklo an o them Egiptia an i yaka kol pralstunendar an o Faraeskro kheer oun ninna pash i tsele Egiptarya.

O Debleskro Drom 2021 (Sinte)

³ Un o baro Dewel kras, te wenn i Egiptarja latches ap lende. Ninna his o Mose bud an-diklo an o them Egiptia an i jaka kol pralstunendar an o Faraeskro kheer un ninna pash i tsele Egiptarja.

2. Mose 11:3 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 39:21

Har yob kote an o stilepen his, his o baro Devel pash leste, oun his kamlo ap leste oun kras, kay hi o pralstouno pral o stilepen lačes ap leste.

2. Samuel 7:9

Me homs pash toute, kay tou ninna djal, oun marom kolen lauteren glan toute, kay kouran pen touha. Me kamau tiro lab bares te krell, yaake prindjedo har i laba kol bare rayendar ap i phoub.

Ester 9:4

Yon shounan, kay vas o Mordekay i baro morsh an o kheer o baro rayestar. An i tsele themma vas prindjedo, har lo baro oun bareder vas.

Debleskri gili 106:46

Oun yob kras, te dikan lauter kolla lačes ap lende, kay len pandan.

2. Mose 12:35

Oun i Israelitarya kran pal i laba, hoy o Mose ap lende penas, oun djan pash i Egiptarya oun moukan pen lendar roupeno oun sonakaskro koova te dell, ninna shoukar ripya.

2. Mose 12:36

Oun o baro Devel das i Egiptaryen an o dji, te venn le kamles ap i Israelitarya, yaake te nay mangens le, hoy yon kaman. Oun i Egiptarya dan len lauter. Yaake lan i Israelitarya kolendar lengro bravlepen krik oun lan les lentsa.

2. Mose 3:21

Oun daryatar krenn le pengre djia t'menge pre oun denn t'men boud lačo koova peha.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Bičepangre 7:22

Oun goseve Egiptarya sikran leste lauter, hoy yon djinan, yaake te vas lo gosevo an lauter, hoy yob rakras oun kras.

5. Mose 34:10

An kek tsiro his an Israel i vavar Debleskro rakepaskro har o Mose, koleha o baro Devel yak an yak rakras.

5. Mose 34:11

Kek vavar Debleskro rakepaskro kras savo baro oun zorelo koova har yob, har o baro Devel les bičras, te sikrell lo o Debleskri zoor ap o rayeste Farao an o them Egiptia, oun ap koleskre bare morshende oun ap o tselo them.

Josua 4:14

Oun ap ko dives kras o baro Devel o Yosua bares glan i yaka kol tsele menshendar Israel. Oun an leskro tselo djipen dikan le pre ap leste, yaake har le kova ninna o Moseha kran.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.