2. Mose 10:7 - O Debleskro Lab 2024 (Sinte-Manouche)

⁷ Kote penan i pralstoune ap o Farao: “Har rah anell kava morsh gomme bibarht pral mende? Mouk kol menshen te djal, te mangenn le lengro baro Debles an. Hayveh tou gar, te djal i tseli Egiptia nashedo?”

O Debleskro Drom 2021 (Sinte)

⁷ Kote penan i pralstune ap o Farao: “Har rah anell kau mursh gomme bibacht pral mende? Muk kol menshen te djal, te mangenn le lengro baro Debles an. Haiweh tu gar, te djal i tseli Egiptia nashedo?”

2. Mose 10:7 Iomraidhean Croise

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

2. Mose 12:33

Oun i tsele Egiptarya mangan len, te djan le yaake sik har djala, oun tradan len dran o them. Yon penan penge: “Te djan le gar sik, hounte meras mer lauter.”

2. Mose 23:33

Moukenn len gar t'mentsa khetne an t'maro them te djivell! Te krans le kova, nay anans le t'men yaake dour, te mangenn t'mer lengre deblen an oun shounenn bouder gar ap mande. Oun kova vals t'maro merepen.

2. Mose 7:5

Oun kol Egiptarya dikenn oun hayvenn, kay hom me o baro Devel, te hadau me miro vast pral o them Egiptia oun lau i Israelitarya mashkral lende vin.”

2. Mose 8:19

Oun tou dikess, te hi vavarčandes pash mire menshende har pash tire menshende. Ko baro koova vell taysar pral t'mende.”

Gosewe laba 29:6

I čilačo taprell pes an peskro čilačepen. Kova, kay an o čačepen tardo hi, djal barhteles peskro drom.

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Jesaja 14:20

Tou kral tiro them paash, oun maral i menshen an tiro them. Doleske veh tou gar paskedo har kol vavar raya, kay an barrengre khera paskedo van. Oun tiri čilači familya vell bistedo hako tsireske.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jeremia 48:4

O Moab hi khetne dino. Leskre tikne čave rovenn bari golyah.

Jeremia 51:8

Har i khoro tele perell oun an kotya phagell, yaake sik peras o foro Babilon oun khetne phagedo. Rovenn pral o foro Babilon! Anenn leske doukepaskro djet, Nay vell, te vell lo pale sasto!

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

1. Korintarja 7:35

Kova penau me t'menge gar, te krap t'maro djipen phares. Na-a, kova penau, te djal t'menge mishto. Kamoms, te djan o čačo drom, te djivenn o Yezouseske, maro rayeske, oun te ačenn zoreles pash leste.

Josua 23:13

palle djinenn, palle tradell o baro Devel gar bouder kal vavar menshen glan t'mende vin dran o them. Oun yon venn t'menge har dorya oun netse, an kolende t'mer tapedo venn, oun har čoupnia ap t'mare dume, oun doukrenn t'men har i kasht an o yak. Kova djal yaake dour, bis te kek t'mendar bouder an kava lačo them hi, hoy t'maro baro Devel t'men das.

1. Samuel 18:21

Oun o Saul penas: “Me kamau lat leste te dell. Palle hi man čomone an o vast, koleha nay tradau les an i vasta i Filistarendar.” Oun o Saul penas ap o Davideste: “Kava dives vess tou o douyto kopo miri čakro rom.”

1. Samuel 5:11

Koy dan le pale i tsele rayen pral i Filistarya khetne gole oun penan: “Bičrenn o morhton o Israeleskro Deblestar pale, kay lo vas, te marell lo men oun mare menshen gar.” I bari daar his an o tselo foro, fothe phares his o Debleskro vast ap lende čiddo.