2. Mose 10:15 - O Debleskro Lab 2024 (Sinte-Manouche)

¹⁵ oun čakran i phoub, yaake te vas o tselo them kales. Oun yon rhan o tselo zenlepen oun lauter, hoy ap i rouka baro vas, hoy pral ačas, har o barrengro brishin ap o them peras. Kek zenlepen ačas pral ap i rouka oun ap i harhetikri phoub an o tselo them Egiptia.

O Debleskro Drom 2021 (Sinte)

¹⁵ un tchakran i phub, jaake te was o tselo them kales. Un jon chan o tselo senlepen un lauter, hoi ap i ruka baro was, hoi pral atchas, har o barrengro brishin ap o them peras. Kek senlepen atchas pral ap i ruka un ap i hachetikri phub an o tselo them Egiptia.

2. Mose 10:15 Iomraidhean Croise

Debleskri gili 78:46

Lengro djob rhan i stepangre pre. Kolla rhan lauter, hoy ap lengri phoub bares vas.

2. Mose 10:12

Kote penas o baro Devel ap o Mose: “Hade tiro vast pral o them Egiptia pre, te venn i stepangre pral o tselo them, oun rhan lauter hoy pral ačas, har o barrengro brishin ap o them peras.”

2. Mose 10:5

Kolla čakrenn o them, oun hi yaake boud, te nay dikeh i phoub bouder gar. Oun kolla rhan kova pre, hoy pral ačas, har o barrengro brishin peras oun boud djob paash das. Ninna i patria ap i rouka rhan le pre.

Gosewe laba 30:27

I stepangre: Len hi kek ray oun djan vin har kourepangre, kolenge penlo vas, har le hounte djan.

Joel 1:4

Boud boud stepangre van pral o them oun beshan pen ap o djob. Hoy moukan kolla pral, rhan kolla, kay pal lende van. Hoy kolla pral moukan, rhan kolla, kay pal kolende van. Hoy palle pral ačas, rhan kolla, kay pal kolende van.

Joel 2:25

Oun me dau t'men kol bersha pale, hoy nashran, har i boud stepangre lauter rhan. Me homs, kay kolen lauteren mank t'mende bičrom.

Amos 7:2

An miro dikepen dikom, har kaman i stepangre o tselo zenlepen te rhal an o them. Koy penom: “Baro Devel, maro ray, ma dik ap mari doosh! Har nay vell o Yakobeskro kheer pale ap i herya, kay yaake tikno hi.”

4. Mose 22:5

Oun yob bičras morshen pash o Bileam, koleskro dad o Beor hi. O Bileam djivas mank peskre menshende an o foro Petor, kay pash ko pani Eufrat čiddo hi. O baro ray moukas leske te penell: “Am pash mande! I bari natsyona djas dran o them Egiptia vin oun hi kate an o tselo them. Kal menshe čivan pengre plarhtene khera pre ap i vavar rig mandar.