2. Mose 1:14 - O Debleskro Lab 2024 (Sinte-Manouche)

¹⁴ Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

O Debleskro Drom 2021 (Sinte)

¹⁴ Len his kek dji lenge un kran lengro djipen phares. Un i Israelitarja hunte chatchan barra dran tchik. Ninna hunte budran le phares ap i hachetikri phub.

2. Mose 1:14 Iomraidhean Croise

1. Mose 15:13

Oun o Devel penas ap o Abrameste: “Čačepah, tou djiness: Tire menshe, kay toutar venna, venn vi-themarya an i them, kay gar lengro hi. Oun i menshe an ko them djan zoreles ap lende oun krenn boudepangre lendar. Oun yon hounte boudrenn lenge 400 (star-sheel) bersha.

1. Rajengro liil 12:14

Na-a, yob rakras lentsa yaake, har i terne morsha kova leske penan. Oun penas: “Te čivas miro dad i pharo djipen ap t'mende, me krau t'maro djipen gomme phareder! Miro dad das t'men i čoupniyah, me dau t'men i čoupniyah, hoy saster pre hi!”

Debleskri gili 129:1

I gili te givell ap o drom an Yerusalem. Boud kope kran le mange o djipen phares yaake rah har djivau, – kova hounte penell o kheer Israel –

Debleskri gili 68:13

“I bare raya nashenn penge, lengre lourde hi ap o naashepen, oun kova hoy yon hounte moukan čiddo, hi boudeder har boud. Oun khere denn i djouvya hakenes kolestar.

Debleskri gili 81:6

Kova penas o Devel o Yosefeskre menshenge, har djas lo an o kourepen khatar i Egiptarya. Shounau i rakepen, hoy me gar prindjrom:

2. Mose 1:11

I Egiptarya čivan pralstoune pral i Israelitarya. Kolla dan garda te boudran i Israelitarya phares, oun yaake rikran le len tele. Oun yon kran i forya Pitom oun Ramses, te vell kote o rhapen čiddo o baro rayeske, o Farao.

2. Mose 1:13

oun kran, te boudrenn i Israelitarya gomme phareder.

2. Mose 1:15

O baro ray pral o them Egiptia das kol douy rhačede rhalya, i Shifra oun i Poua, gole. Kolla his hebretikre djouvya. Oun yob penas ap lende:

2. Mose 2:23

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 6:9

Kal laba penas o Mose ap i Israelitarya. Ninna har rakras yob yaake ap lende, shounan le gar ap leste. Yaake phari his lengri boudi ap lende, oun an lengre djia his bouder kek zoor.

Gosewe laba 28:15

I čilačo, kay hi o baro ray pral čorvele menshende, hi har i levo, hoy bares gole dell, oun har i divyo firho, hoy bokell ap peskro rhapen.

Jesaja 10:24

Doleske penell o baro Devel, ko ray pral o bolepen oun i phoub, ap peskre menshende, kay ap i berga Sion djivenn: Ma darenn i lourdendar dran o them Assour, ninna te denn le t'men pengre kashtentsa oun hadenn len pre, te denn le t'men trad, yaake har kova i Egiptarya ninna kran.

Jesaja 14:6

Tou dal i menshen an boud themma, oun dal oun dal oun moukal gar tele. Divyi rholyah rikral tou len tele, oun lal len palla kek lačepah.

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jesaja 52:5

Hoy krap me kate? penell o baro Devel. Mire menshe van čičeske pandles krik lino. Kolla, kay kran pen ray pral lende, sanenn oun phourdenn pen pre, penell o baro Devel. Oun o tselo dives rikrenn le man dineleske.

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

3. Mose 25:43

Tou vess gar zoryah ray pral lende! Rike tiro Debles glan tire yaka!

3. Mose 25:46

Kolen nay denn ap t'mare čavende doureder, te venn le lengro pal t'maro merepen. Yon ačenn lengre ginle boudepangre yaake rah har djivenn le. Tire phrala, kol vavar Israelitarya, pral kolende hounte vess gar zoryah ray.

3. Mose 25:53

Leskro ray hounte djal leha trouyel, har te vals lo i boudepaskro, kay haki rat playsedo vell. Denn yak, te krell lo leha gar, har te vals lo leskro ginlo boudepaskro.

Nahum 3:14

Hidjenn t'menge pani khetne ko tsireske, kay čivenn pen i lourde troul t'maro foro tardo, oun t'mer yaake dren pandlo han. Dikenn pal t'mare massurya, krenn len zorleder! Stakrenn koy čik, kolatar t'mer barra rhačenn! Krenn zorele barra!

4. Mose 20:15

kay mare phoure an o them Egiptia djan, oun mer i rah tsiro an o them Egiptia djivam, oun kay kol Egiptarya menge oun mare phourenge o djipen phares kran.

Bičepangre 7:19

oun rodas i drom, har te rikrell lo mare menshen tele. Oun yon hounte boudran tel dava, oun hounte moukan pengre tikne čaven, te merenn yon.

Bičepangre 7:34

Me dikom, har mire menshe rhan dava an o them Egiptia. Oun me shounom lengri gole oun lengro ropen, oun vom dran o bolepen tele, te lap len dran kava them vin. Oun me kamau, te djas tou an o them Egiptia.

5. Mose 26:6

Oun i Egiptarya kran menge čilačepen oun rikran men tele. Mer hounte boudran lenge tel dava.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

Ruth 1:20

Yoy penas ap lende: “Penenn gar Naomi ap mande! Denn man Mara gole! O zorelo Devel kras miro djipen shoutlo.