2. Mose 1:11 - O Debleskro Lab 2024 (Sinte-Manouche)

¹¹ I Egiptarya čivan pralstoune pral i Israelitarya. Kolla dan garda te boudran i Israelitarya phares, oun yaake rikran le len tele. Oun yon kran i forya Pitom oun Ramses, te vell kote o rhapen čiddo o baro rayeske, o Farao.

O Debleskro Drom 2021 (Sinte)

¹¹ I Egiptarja tchiwan pralstune pral i Israelitarja. Kolla dan garda te budran i Israelitarja phares, un jaake rikran le len tele. Un jon kran i forja Pitom un Ramses, te well kote o chapen tchiddo o baro rajeske, o Farao.

2. Mose 1:11 Iomraidhean Croise

1. Mose 15:13

Oun o Devel penas ap o Abrameste: “Čačepah, tou djiness: Tire menshe, kay toutar venna, venn vi-themarya an i them, kay gar lengro hi. Oun i menshe an ko them djan zoreles ap lende oun krenn boudepangre lendar. Oun yon hounte boudrenn lenge 400 (star-sheel) bersha.

1. Mose 47:11

Oun o Yosef sikras peskro dadeste oun peskre phralende, kay yon djivenn nay. Oun das len o feteder kotar them, hoy an o them Egiptia his, ko them Ramses, yaake har o baro ray penas.

1. Rajengro liil 9:19

oun i tsele forya, kay leskre djobengre khera his, oun i forya, kay leskre vourdya oun leskre graya tarde his, oun lauter, hoy yob kamas te krell an o foro Yerusalem, ninna an o them Libanon, oun an o tselo them, koleskro ray yob his.

2. Familjakro liil 16:4

Kote shounas o Ben-Hadad ap o baro rayeste Asa, bičras peskre lourden pengre pralstunentsa, te kourenn le pen i foryentsa an o them Israel. Oun yon lan kol forya Iyon, Dan oun Abel-Mayim dren, ninna i tsele forya, kay djobengre khera dren hi an o them Naftali.

2. Familjakro liil 8:4

Oun yob kras ko foro Tadmor zorleder an o moulo them, oun kol vavar forya, hoy his čiddo pash o foro Hamat, oun an kolende yob djobengre khera pre čivas.

Debleskri gili 105:13

Oun yon djan yek themestar an o vavar, djan trouyel an boud rayengre themma.

Debleskri gili 129:1

I gili te givell ap o drom an Yerusalem. Boud kope kran le mange o djipen phares yaake rah har djivau, – kova hounte penell o kheer Israel –

Debleskri gili 129:2

boud kope kran le mange o djipen phares. Moulo nay dan le man gar.

Debleskri gili 68:13

“I bare raya nashenn penge, lengre lourde hi ap o naashepen, oun kova hoy yon hounte moukan čiddo, hi boudeder har boud. Oun khere denn i djouvya hakenes kolestar.

Debleskri gili 81:6

Kova penas o Devel o Yosefeskre menshenge, har djas lo an o kourepen khatar i Egiptarya. Shounau i rakepen, hoy me gar prindjrom:

2. Mose 1:14

Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

2. Mose 2:11

Har his o Mose baro, vas i dives, kay djas lo pash peskre menshende. Koy dikas yob har yon phares hounte boudrenn, oun har das yek Egiptari i Hebreares.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

2. Mose 5:10

Koy djan kol pralstoune Egiptarya oun kol Israelitarya, kay dan yak ap i boudepangre, pash lende oun penan lenge: “O Farao penas, te das mer t'men bouder kek phouss.

2. Mose 5:15

Koy djan kol Israelitarya, kay ap i boudepangre yak dan, pash o Farao oun penan leske: “Maro ray, hoske kreh tou yaake mentsa?

2. Mose 5:8

Ninna te hounte čivenn le ko phouss penge kokres khetne, hounte krenn le yaake boud barra, har kran le glan kava tsiro. Penenn lenge, te moukenn le gar tele. Yon kamenn gar te boudrell. Doleske poučan le mandar, te moukap len te djal, te marenn le firhen lengro debleske.

Gosewe laba 27:4

I rholi hi divyo oun zorelo har i zorelo pani, hoy lauter peha krik tserdell. Koon nay ačell tardo te zilverell i morsh?

4. Mose 20:15

kay mare phoure an o them Egiptia djan, oun mer i rah tsiro an o them Egiptia djivam, oun kay kol Egiptarya menge oun mare phourenge o djipen phares kran.

5. Mose 26:6

Oun i Egiptarya kran menge čilačepen oun rikran men tele. Mer hounte boudran lenge tel dava.