1. Timoteo 4:6 - O Debleskro Lab 2024 (Sinte-Manouche)

⁶ Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

O Debleskro Drom 2021 (Sinte)

⁶ Te peneh tu kau koowa i patslenge, hal tu o Jesuseskro latcho budepaskro. Jaake sikreh, kai djiweh pal o latcho lab o Jesus Kristestar, hoi tu shunal un patsal, un kai djah tu dureder ap o Debleskro drom!

1. Timoteo 4:6 Iomraidhean Croise

Debleskri gili 19:7

O kham djal pre ap koy yek rig o bolepastar, oun nashell peskro drom bis ap i vavar rig, oun glan leskro tatepen ačella či khatedo.

Gosewe laba 4:2

Mire laba hi lačo. Doleske ma bistrenn len!

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Louka 1:3

Oun me ninna poučom i menshendar har kova lauter his, te djinap kova lauter mishto. Doleske kamau touke kova yaake pre te činell, har kova čačepah his.

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

Bičepangre 20:35

Yaake sikrom t'mende, kay hounte boudras, te nay dah ninna i čorvelende čomone. Ma bistrenn kol laba, hoy o ray Yezous penas: Kova, kay della, hi barhtleder har kova, kay lella.”

Remarja 15:15

Ninna te djinau kova, činom t'menge pral boud koova an kava liil. Me činom zorele labentsa, te bistrenn kova gar. Koy boudi das man o Devel an peskro lačepen.

1. Korintarja 4:17

Me bičrom o Timoteste pash t'mende. Kova hi miro kamlo oun lačo čavo an o patsepen. Yob penell t'menge, har me ko drom djau, hoy o Yezous Kristo sikras mande, oun har rakrau lestar an hake gaba oun forya, kay i patsle khetne venna.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

2. Korintarja 6:4

Mer kamah, te dikenn le hako tsiro ap mende, kay ham o Debleskre boudepangre. Doleske dah gar pre, ninna te vell boud pharo koova ap mende. Ninna te hi men gar doha djipaske, te vell i daar ap mende, rikrah vin.

Efesarja 6:21

Me bičrom maro lačo phrales, o Tichiko, pash t'mende, te penell lo t'menge, har mange djala, oun hoy me krau. Yob boudrell o Yezouseske, maro rayeske, oun krell peskri boudi mishto. Me bičrom les pash t'mende, te djinenn t'mer kova lauter, oun te krell lo t'mare djia zoreles.

Filiparja 2:20

Man hi kek vavar har yob, koles savo baro dji hi t'menge, oun yob kamell, te djal t'menge mishto.

Filiparja 2:22

T'mer prindjrenn o Timotes oun djinenn, har mishto leskri boudi hi. Har me i menshende o Yezouseskro drom sikrom, his lo mange koy, har hi i čavo peskro dadeske koy.

Filiparja 3:16

Yek hounte kras: Kova, hoy mer djinah, yaake hounte djivas ninna.

Kolossarja 2:19

Yon rikrenn pen gar ap o Yezous Kristeste, ko ray pral i tsele patslende. Yaake har i kokale i menshes khetne rikrenna, yaake rikrell yob i patslen khetne pash leste, oun dell len lauter, hoy len hounte vell djipaske. Oun yon venna baro oun zorelo an o patsepen yaake, har o Devel kova kamella.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Kolossarja 4:7

Me bičrau miro lačo phrales, o Tichiko, pash t'mende, te penell lo t'menge lauter, hoy mantsa djal. Yob boudrell mantsa o Yezouseske, maro rayeske, oun krell peskri boudi mishto. Koles bičrau pash t'mende, te djinenn t'mer, har menge djala, te venn t'mer zoreles an o dji.

1. Tessalonikarja 3:2

oun te djal maro phraal, o Timoteo, pash t'mende. Kova hi o Debleskro boudepaskro, kay penell i menshenge o lačo lab o Yezous Kristestar. Mer bičram les pash t'mende, te krell lo t'men zoreles an o dji oun an t'maro patsepen,

1. Timoteo 1:10

O Moseskre laba van činlo kol morshenge, kay sovenn vavar djouvyentsa, oun kol djouvyenge, kay sovenn vavar morshentsa. Kol laba van ninna činlo kol morshenge, kay sovenn i morshentsa oun čaventsa. Kol laba van činlo kolenge, kay čorenn menshen oun bikrenn len, oun kolenge, kay penenn o rhorhepen, oun kolenge, kay denn pen rhorhenes sovel. Oun te dell vavar koova, kay o Debleskro lab lestar penella, te kras mer kova gar, palle van o Moseskre laba kolenge činlo, kay kova krenna.

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

1. Timoteo 6:3

Te sikrell yek i menshende i vavar drom, oun penell lenge gar o čačo lab maro rayestar, o Yezous Kristestar, oun sikrell lende gar, har te djan le ap o Debleskro drom,

2. Timoteo 1:6

Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

2. Timoteo 3:10

Me sikrom tout, har te djas ap o Debleskro drom, oun tou ačal ap leskro drom, oun djival yaake, har me touke glan djivom. Tou kameh kova, hoy me ninna kamau. Tou dikal, har me patsau ap o Yezous Kristeste. Oun tou djineh, har rikrom ap o patsepen. Tou djineh ninna, har kamom i vavaren o djiyestar, oun har rikrom lauter vin.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

Tito 2:1

Tou, Tito, sike i patslende o Debleskro drom yaake, har kova čačo hi!

1. Petro 2:2

Har i ternepen pal o thoud gole della, yaake hounte vell t'men bok pal o Debleskro lab. Palle venn t'mer zorelo an o patsepen oun djan mishto ap ko drom kay anell t'men pash o Debleste.

2. Johanni 1:9

Hakeno, koon ačell gar pash kol laba, hoy o Yezous Kristo menge penas, oun penell vavar koova, kova ačell gar o Debleha. Kova, kay ačell pash kol laba, hoy o Yezous Kristo menge penas, kova ačell o Debleha, maro dadeha, oun peskro Čaveha.

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.