1. Timoteo 4:3 - O Debleskro Lab 2024 (Sinte-Manouche)

³ Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.

O Debleskro Drom 2021 (Sinte)

³ Jon penenna, te romedineress gar, un te chas gar hako chapen. Koon ap o Jesus Kristeste patsella, un o tchatchepen haiwella, nai chal lauter, te parkrell pes lo pash o Debleste, kai lauter kras.

1. Timoteo 4:3 Iomraidhean Croise

1. Mose 9:3

Halauter, hoy djivella, dau me t'mende, te rhan kova nashte. Me dau les t'men te rhal, yaake har dom t'men o zenlepen.

Sikepaskro 5:18

Te dell o Devel i menshes bravlepen oun lačo kova, te nay rhal lo oun piyella, oun te nay moukell lo peske mishto te djal, oun leskro dji sal pral halauter, hoy leske dran peskri phari boudi vas, palle hi kova čomone, hoy o Deblestar vas.

Daniel 11:37

Oun o baro ray hadell vitar gar ko debles peskre phourendar. Na-a, kek vavar debles sharell lo, vitar gar ko debles, koles i djouvya an-mangenn. Yob čivell pes pral halauter.

Mateo 14:19

Palle penas lo ap kol tsele menshende, te beshenn le pen. Oun yob las kol panč mare oun kol douy mače, dikas pre, parkras pes pash peskro dadeste an o bolepen, oun phagas kol mare an kotya, oun das len peskre malende. Oun kalla dan len i tsele menshende te rhal.

Mateo 15:11

O rhapen oun o pipen, hoy i mensho an peskro mouy čivella, kova krell les gar pale-čiddo. Kol čilače laba, hoy i mensho rakrella, kolla krenn les pale-čiddo.”

Mateo 15:36

Oun yob las kol efta mare oun kol mače, parkras pes pash o Debleste, oun phagas len an kotya. Oun yob das len peskre malende, oun kolla dan len halauterende, kay kote beshdo hi.

Louka 24:30

oun beshas pes te rhal lo lentsa, las o maro, parkras pes pash o Debleste, phagas ko maro an kotya, oun das kova lende.

Johanni 6:23

Koy van vavar bere dran o foro Tiberias, oun čivan pen kote, kay rhans le ko maro, koleske o Yezous parkras pes pash o Debleste.

Bičepangre 27:35

Oun har yob kova penas, las yob o maro, parkras pes pash o Debleste glan lauterende, phagas o maro, oun rhas.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Remarja 14:3

Kova, kay rhal o mass, hounte rikrell pes gar feteder har ko vavar, kay rhal kek mass. Kova, kay rhal kek mass, hounte penell ko vavareske gar: “Kova, hoy tou kreh, hi pale-čiddo koova.” O Devel čivas hake douyen an o čačepen.

Remarja 14:6

Koon rikrell o Debleskro dives bareder har i vavar divessa, krell kova o Debleske. Koon patsell, te nay rhal lo lauter, krell kova o Debleske oun parkrell pes pash leste. Koon patsell, te nay rhal lo gar lauter, kova krell les ninna o Debleske, oun sharell o Debles ninna.

1. Korintarja 6:13

O rhapen hi koy, te djal lo an o per. Oun o per hi o rhapaske koy. Vell yek dives, kay krell o Devel, te hi o rhapen oun o per bouder gar koy. O Devel kras men gar, te loubras mer trouyel. Mer ham koy o Yezouseske, maro rayeske. Oun yob hi ninna o ray pral maro mass.

1. Korintarja 7:28

Te romedinereh, yaake aneh tou kek doosh ap toute. Oun te romedinerella i čay, anell li kek doosh ap peste. Kolenge vell boud pharo koova an lengro djipen. Oun me kamau, te vell kova gar ap t'mende. Doleske rakrau yaake.

1. Korintarja 8:8

Kolenge penau me: O rhapen krell men gar pale-čiddo glan o Debleste. Te ham dareno, te rhas yek rhapen, ham gar tikneder glan o Debleste. Te ham gar dareno, te rhas kova, ham gar feteder glan leste.

Kolossarja 2:16

Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna.

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

1. Timoteo 2:4

Yob kamella, te venn i tsele menshe ap leskro drom, oun te hayvenn le leskro čačepen.

1. Timoteo 4:4

Lauter, hoy o Devel kras, hi lačo. Oun či hi pale-čiddo, te parkrah men mer koleske pash o Debleste.

1. Timoteo 5:14

Doleske kamau, te romedinerenn kol terne djouvya pale, te lenn yon čaven, oun te boudrenn yon an pengro kheer, yaake te nay penell kek djoungelo koova pral i patslende.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

1. Samuel 9:13

palle taprenn t'mer les gomme glan o rhapen ap o drom ap i pralstouni platsa. I tsele menshe rhayenn gar, bis te vas lo oun penas lače laba pral ko firheste, hoy o Debleske maredo vas. Palle rhayenn kolla lauter khetne, kolenge penlo vas, te venn le pash kava rhapen pashel. Djan sik, palle nay taprenn les gomme.”