1. Timoteo 4:16 - O Debleskro Lab 2024 (Sinte-Manouche)

¹⁶ De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

O Debleskro Drom 2021 (Sinte)

¹⁶ De garda ap tute, har tu djiweh un har tu sikreh o Debleskro drom! Kre ko koowa, hoi tuke penom! Jaake djah tu ap o drom pash o Debleste. Un kolla, kai shunenn ap kowa, hoi tu peneh, aneh tu ninna ap ko drom.

1. Timoteo 4:16 Iomraidhean Croise

1. Familjakro liil 28:10

Doleske de tout yak, o baro Devel rodas tout vin, te kress i kheer leske. Ab zorelo, oun kre tout ap i boudi!”

2. Familjakro liil 19:6

oun penas ap lende: Denn garda, har rakrenn o čačepen vin pral i menshende! T'mer rakrenn an o lab o baro Deblestar oun gar an o lab i menshendar. Oun yob hi t'mentsa, te rakrenn čačepaskre laba vin.

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

Jesaja 55:11

Yaake hi kol laba, hoy dran miro mouy vin djan. Yon venn čačo, oun kova, hoy penom, vell yaake har me kamau. Oun kova, hoy mange glan lom, vell yaake kerdo.

Jeremia 23:22

Te vans yon glan mande tardo an miro tsillo, rakrans yon mire laba mire menshenge, oun penans lenge, te moukenn le pengro čilačo drom oun pengro čilačo koova, hoy kran le.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Bičepangre 26:22

O Devel his hako dives pash mande. Oun kanna hom kate tardo, oun penau barenge oun tiknenge, hoy o Devel kras. Me penau či vavares, har kol Debleskre rakepangre oun o Mose glan i rah tsiro penan.

Bičepangre 6:4

Mer kamah o Debles an-mangell, oun i menshenge o Debleskro lab te penell.”

Remarja 11:14

Me kamaus, te zilverenn mire menshe ap t'mende, te anap nay kolendar ninna ap o Yezouseskro drom.

Remarja 16:17

Mire phrala, me mangau t'men, denn yak, te shounenn t'mer gar ap kolende, kay anenn čingepen mank i patslende oun sikrenn o Debleskro drom vavarčandes har kova, hoy t'mende siklo vas, oun krenn t'maro patsepen paash! Rikrenn t'men lendar pale!

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

1. Korintarja 9:27

Oun me dau yak ap mande, te vap o ray pral miro mass. Me kamau gar te penap i menshenge, hoy yon hounte krenna, oun me kokres krau les gar.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!

1. Tessalonikarja 2:16

Yon moukenn men gar, te penas mer o lačo lab i vavarenge, kay kek bibolde hi, te nay venn kolla ninna ap o Debleskro drom. Yaake vas i biboldengri doosh yaake baro, bareder djal gar. Oun o Debleskri rholi vas zoreles pral lende.

1. Timoteo 1:3

Tou djineh, har me touke penom, te ačess an o foro Efesus. Kova mangom toutar, har me an o them Macedonia djom. An o foro Efesus hi menshe, kay sikrenn i patslende i rhorheno drom, hoy anell len gar pash o Debleste. Kolenge peness, te moukenn le kova.

1. Timoteo 4:15

Kre kova lauter tiro tselo djiyeha oun tiri tseli zoryah, te dikell hakeno, kay tiro patsepen bareder vella!

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

2. Timoteo 2:10

Me lau kova lauter ap mande kol menshenge, kolen o Devel vin rodas, te lenn yon o djipen oun o raylepen, hoy gar pre-herella. Kova dell len o Yezous Kristo.

2. Timoteo 3:14

Tou, Timoteo, ač pash kova, hoy touke penlo vas, oun hoy tou patseh! Tou djineh, koon touke kova lauter penas.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

Tito 1:9

Yob rikrell pes ap o Debleskro lab yaake, har kova leske penlo vas, oun čačo hi. Palle nay rakrell lo i patslenge an o dji, te ačenn le ap o čačo drom. Ninna nay sikrell lo kolende, kay vavar koova rakrenna, kay lengro gar čačo hi.

Tito 2:15

Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.

Tito 2:7

An hako koova sike lende, har tou kova kreh, te krenn le ninna lačo koova! Pen o Debleskro lab an o čačepen, te djal les hakeneske an o dji!

Filemon 1:19

Me, o Paulo, činau kova kokres miro vasteha. Me kamau playsrell, hoy yob hounte playsrals touke. Me kamau gar te rakrap pral koy siyaan, hoy tout pash mande hi: Me anom tout ap o Debleskro drom.

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

Jakobo 5:20

palle las kava les dran o merepen vin, te djal yob gar nashedo. Oun leskri boud doosh hi lestar krik lino.