1. Timoteo 3:8 - O Debleskro Lab 2024 (Sinte-Manouche)

⁸ Yaake har i phoureder mank i patslende hounte djivenn lačes glan i menshengre yaka, yaake hounte djivenn kolla ninna, kay boudrenn i patslenge an o Debleskro kheer. Yon te rakrenn gar douy čipyentsa. Yon te venn kek pipangre. Yon te nashenn gar pal i love.

O Debleskro Drom 2021 (Sinte)

⁸ Jaake har i phureder mank i patslende hunte djiwenn latches glan i menshengre jaka, jaake hunte djiwenn kolla ninna, kai budrenn i patslenge an o Debleskro kheer. Jon te rakrenn gar dui tchipjentsa. Jon te wenn kek pipangre. Jon te nashenn gar pal i lowe.

1. Timoteo 3:8 Iomraidhean Croise

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 5:9

Baro Devel, sike man o drom, hoy čačo hi glan toute! Kre mange o drom, hoy te djap! Mouk kolen te dikell, kay mange čilačepen kamenna, kay hal tou ap miri rig!

Debleskri gili 50:19

Dran tiro mouy vell praasepen vin. Oun tiri čip rakrell rhorhepen.

Debleskri gili 52:2

har o Doeg, ko morsh dran o them Edom, pash o Saul vas, oun leske penas: “O David hi pash o Ahimelek.”

Ezekiel 44:21

Te djan le dren ap koy tikni glanstouni platsa glan o Debleskro kheer, hounte piyan le kek mool.

3. Mose 10:9

“Tou oun tire morsh čave, ma piyenn mool oun zorelo pipen, te kamenn an miro kheer te djal, te hounte merenn gar. Ap kova hounte rikrenn t'men oun t'mare čave kanna oun hako tsiro.

Remarja 3:13

Dran lengro mouy vell merepen. Ap lengri čip hi rhorhepen. Lengro rakepen anell o merepen har i sapa, hoy dandrenna.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

1. Timoteo 3:12

I morsh, kay boudrella i patslenge an o Debleskro kheer, les vell gar boudeder har yek romni. Yob hounte vell i lačo dad peskre čavenge, oun i lačo ray pral peskro kheer.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

1. Timoteo 5:23

Tou te piyeh pani, palle čore ninna mool dren! Kova hi mishto tiro pereske. Tou hal yaake boud nasselo.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

Tito 2:3

Pen i phoure djouvyenge, te djivenn le yaake, har o Debleskre čave djivenna, te rakrenn le gar djoungeles pral i vavarende, te piyenn le pen gar mato! Yon hounte sikrenn i vavaren, hoy lačo hi.

Jakobo 3:10

Dran ko emligo mouy vella sharepen oun praasepen. Kova hi gar mishto, mire phrala!

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!