1. Timoteo 3:6 - O Debleskro Lab 2024 (Sinte-Manouche)

⁶ I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.

O Debleskro Drom 2021 (Sinte)

⁶ I phureder mank i patslende hunte well gar newes an o patsepen, te nai phurdell lo pes gar pre. Te phurdas pes lo pre, nai tserdell les o beng o Debleskro dromestar tele.

1. Timoteo 3:6 Iomraidhean Croise

2. Rajengro liil 14:10

Tou maral i Edomarya an o kourepen. Oun doleske phourdell pes tiro dji pre. Mishto touke, kanna ač khere an tiro kheer! Hoske rodeh tiri bibarht, te peress, oun o them Youda touha?”

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

2. Familjakro liil 32:25

Har o Hiskiya sasto vas, vas lo pre-phourdo oun das o baro Debleste ko lačepen gar pale, hoy kova ap leste kras. Doleske vas o baro Devel rhoyedo pral leste oun pral o them Youda oun pral o foro Yerusalem.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Daniel 11:12

oun maredo. Fothe phourdell pes o baro ray pral o them Egiptia pre, oun marell zerya oun zerya, ačell lo gar yaake zoreles.

Louka 10:18

Koy penas o Yezous ap peskre malende: “Me dikom o benges, har peras lo dran o bolepen har i yag.

1. Korintarja 3:1

Mire phrala, me nay rakrom t'mentsa gar har patslentsa, kay djivenn yaake, har o Debleskro Dourho kamella. Me hounte rakrom t'mentsa har kolentsa, kay djivenn pengro phouro djipen. T'mer hans har tikne čave an o patsepen.

1. Korintarja 8:1

T'mer poučan mandar: “Nay rhah mer, kay patslo ham, ko mass, hoy vas glan i figura anlo, hoy mangenn le an, har te vals li i devel?” Hi čačo, mer halauter ham gosevo oun djinah čomone pral kava koova. Koon patsell, te hi les boud gosvepen, kova patsell sik, te hi lo bareder har ko vavar. Koon o djiyestar o vavares kamella, koles krell yob zorelo oun gar tikno.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

5. Mose 17:20

Yob hounte krell pes gar bares pral peskre phralende oun hounte djal gar tele o baro Debleskro dromestar, gar ap i čači rig oun gar ap i servi rig kolestar, hoy činlo hi. Palle ačell lo i rah tsiro baro ray an Israel, yob oun leskre morsh čave pal leste.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

1. Timoteo 3:7

I phoureder hounte vell yek, pral koleste ninna kol menshe, kay gar patslo hi, mishto rakrenna. Yaake hounte ladjell lo pes gar, oun perell gar an o bengeskro vast.

1. Timoteo 6:4

palle hi yob pre-phourdo oun hayvell či. Yob kamell te čingrell pes hako labeske. Kova hi yaake har i nasslepen. Dran savo koova vell, te zilverenn le, te čingrenn pen le, te rakrenn le djoungeles yek pral o vavareste, te dikell ko yek čilače yakentsa ap o vavareste.

2. Timoteo 3:4

Yon hi phoukepangre. Yon venn sik rhoyedo. Yon phourdenn pen pre. Yon kamenn boudeder pengro khelepen har o Debles.

1. Petro 2:2

Har i ternepen pal o thoud gole della, yaake hounte vell t'men bok pal o Debleskro lab. Palle venn t'mer zorelo an o patsepen oun djan mishto ap ko drom kay anell t'men pash o Debleste.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.