1. Timoteo 3:16 - O Debleskro Lab 2024 (Sinte-Manouche)

¹⁶ Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

O Debleskro Drom 2021 (Sinte)

¹⁶ Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

1. Timoteo 3:16 Iomraidhean Croise

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Mateo 28:2

Ap yek kopo vas i phoub zoreles trisslemen. Oun o Debleskro bolepaskro vas dran o bolepen, čivas ko baro bar glan o moulengro kheer ap i rig, oun beshas pes koy pre.

Mateo 3:16

oun taufras o Yezouses. Har o Yezous dran o pani pral djas, djas o bolepen pre. Oun yob dikas o Debleskro Dourho har i parno čirklo ap peste tele te vell.

Mateo 4:11

Koy djas peske o beng. Oun bolepangre van pash o Yezouseste, oun his leske koy.

Markus 1:13

Oun kote ačas lo star-deesh divessa. Oun o beng kamas les o Debleskro dromestar tele te anell. Kote his ninna divye firhe. Oun i bolepangre van oun his leske koy.

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Markus 16:5

Oun yon djan an o moulengro kheer dren. Kote dikan le i terno morshes ap i čači rig beshdo, koles his troul peste i lengsto biyalo ripen. Oun yon trashan.

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Louka 20:44

Kate penell o David Ray ap leste. Har vell lo nay leskro čavo?”

Louka 22:43

Oun i Debleskro bolepaskro vas pash leste dran o bolepen oun das les zoor.

Louka 24:4

Har yon koy tardo his, oun djinan gar, hoy te krenn le, his kote ap yek kopo douy morsha tardo. Oun lengre ripya his rayles biyalo.

Louka 24:51

Oun har yob yaake rakras, djas lo lendar oun vas pral an o bolepen hadedo.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 13:3

O Yezous djinas, kay o Devel, leskro dad, halauter an leskre vasta čivas, oun kay yob o Deblestar vas, oun kay yob pale pash o Debleste djala.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Johanni 16:28

Me vom o dadestar, oun vom ap kay phoub. Oun me moukau pale kay phoub, oun djau pash miro dadeste.”

Johanni 17:5

Oun kanna, tata, de man ko raylepen oun koy zoor, hoy his man pash toute, har o bolepen oun i phoub gar koy his!

Johanni 20:12

Kote, kay o Yezous čiddo his, dikas yoy douy bolepangren an parne ripya beshdo. Ko yek his kote, kay leskro shero čiddo his, oun ko vavar, kay leskre herya his.

Johanni 6:62

Hoy krans t'mer, te dikans t'mer, te djal o Mensheskro Čavo pale an o bolepen?

Bičepangre 1:19

I tsele menshe an o foro Yerusalem shounan kova. Doleske penenn yon ap ko kotar phoub, kay o Youdas meras: Hakeldama. Kova kharella ap lengro rakepen ratli phoub.

Bičepangre 10:34

Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen.

Bičepangre 14:27

Oun o Paulo oun o Barnabas van kanna pale pale an kava foro. Kote dan le i patslen khetne gole, oun penan lenge, kay o Devel lentsa his, oun har boud koova yob kras, oun har yob ninna kolen, kay kek bibolde hi, pash peste gole das, oun yon ap leskro drom van.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Remarja 10:12

Kava lab hi i tsele menshenge: i biboldenge, ninna kolenge, kay kek bibolde hi. Len halauteren hi yek ray. Oun yob dell o djipen lauterende, kay les mangenna.

Remarja 10:18

Kanna poučau t'mendar: Shounan i bibolde ko lab gar? Ava! Yon shounan kova lauter. Yaake hi činlo an o Debleskro lab: Ap i tseli phoub shounan le ko rakepen. An i tsele themma vas ko lab penlo.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

Remarja 3:4

Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

1. Korintarja 15:47

O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen.

1. Korintarja 2:7

Mer rakrah pral o Debleskro gosvepen, hoy i menshe gomme gar prindjrenna. O bolepen oun i phoub his gomme gar koy, har his o Debles an o dji, te djivas mer leha khetne an leskro raylepen.

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

Galatarja 2:8

Kova, kay bičras o Petres pash i biboldende, hi kova, kay man bičras pash kolende, kay kek bibolde hi.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Kolossarja 1:6

Kava lačo lab vas gar t'menge kokres penlo. Na-a, kava lab vell ap i tseli phoub penlo. Oun boud oun boudeder menshe venna patsle. Yaake hi ninna pash t'mende: T'mer shounan ko lačo lab, oun hayvan čačepah, kay hi o Devel lačes ap t'mende.

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

2. Tessalonikarja 1:10

ap ko dives, kay vell maro ray Yezous pale, te vell lo sharedo peskre menshendar. Oun i tsele patsle dikenn les, oun hi barhtelo pral leste, ninna t'mer, kay patsan ap o Debleskro lačo lab, hoy mer t'menge penam.

2. Tessalonikarja 2:7

Ninna te dikah les gomme gar, vell o čilačepen bareder. Kanna rikrell yek o čilačepen pale. Te vell yob krik lino,

1. Timoteo 3:9

Yon hounte rikrenn zoreles ap o čačepen, hoy o Devel sikras. Lengro patsepen hounte vell dran i djoudjo dji.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Hebrearja 7:7

Oun hakeno djinella: O bareder rakrell i barht vin pral o tikneder.

Hebrearja 8:1

Kova hounte djinenn t'mer: Men hi i baro rashay, kova hi o Yezous Kristo. An o bolepen hi lo beshdo ap i čači rig o Deblestar.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

1. Petro 1:20

Har i phoub gar koy his, rodas o Devel les vin, te merell lo i menshenge. Oun an kava tsiro, kay djivah, vas lo t'menge ap i phoub.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Johanni 1:2

Ava, ko djipen vas pash mende, oun sikras pes mende. Mer dikam les. Doleske rakrah mer kolestar, kay dikam oun shounam. Oun mer penah t'menge, koon ko djipen della, hoy gar pre-herella. Kova his pash peskro dadeste an o bolepen, oun vas pash mende.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 17:5

Oun ap lakro shero his i lab činlo, hoy i menshe gar hayvan: “Koy bari Babilon, kolatar vella hako djounglepen oun vi-ladjedo koova ap i phoub.”

Debleskro tsiro 17:7

Oun ko bolepaskro penas ap mande: “Hoske patseh tou gar, hoy dikeh? Me kamau touke te penell, koon koy djouvel hi, oun koon ko firho hi, hoy lat hidjrella, oun koles kol efta shere oun kol deesh shinga hi.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.