1. Timoteo 2:2 - O Debleskro Lab 2024 (Sinte-Manouche)

² Mangenn lestar, te dell lo i rayen oun i pralstunen o gosvepen, te krenn le pengri boudi mishto, yaake te djivas nay an o lačepen, te djas mer o Debleskro drom, te nay rakrenn i menshe gar djoungeles pral mende!

O Debleskro Drom 2021 (Sinte)

² Mangenn lestar, te dell lo i rajen un i pralstunen o goswepen, te krenn le pengri budi mishto, jaake te djiwas nai an o latchepen, te djas mer o Debleskro drom, te nai rakrenn i menshe gar djungeles pral mende!

1. Timoteo 2:2 Iomraidhean Croise

2. Samuel 20:19

Maro foro hi yek kol foryendar, kay krell kek čingepen, oun moukell pes gar ap i vavar rig te tserdell. Maro foro hi har i day an Israel, oun tou kameh lat moulo te krell? Hoske kameh tou o baro Debleskro them paash te krell?”

Esra 6:10

Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Debleskri gili 72:1

I gili o Salomestar. Mo Devel, de tiro čačepen o baro rayeste an o dji, te rakrell lo o čačepen yaake har tou o čačepen rakrals.

Gosewe laba 24:21

Miro čavo, djib glan o baro Debleskre yaka oun kre, hoy o baro ray toutar kamella! Ma dja kolentsa, kay vavaren ap lende pre anenn!

Jeremia 29:7

Rodenn koy pal, te djal mishto o foreske, kay moukom t'men te anell. Oun mangenn ko foreske mandar lačepen! Te djal o foreske mishto, djal t'menge ninna mishto.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Louka 2:25

Ap ko tsiro djivas an o foro Yerusalem i morsh. Leskro lab his Simeon. Kova patsas ap o Debleste, oun djivas yaake, har o Devel kova kamas. Oun yob dikas ap ko tsiro, kay lell o Devel i bibarht i Israeleskre menshendar krik. O Simeon his pherdo Debleskro Dourho.

Bičepangre 10:22

Penan le: “O Kornelio, ko pralstouno i lourdendar, bičras men. Kova hi i lačo morsh, oun patsell ap o Debleste. I tsele bibolde rakrenn lačes pral leste. I Debleskro bolepaskro penas ap leste, te lell yob tout an peskro kheer, oun te shounell yob, hoy tou leske kameh te penell.”

Bičepangre 24:16

Doleske krau lauter te djivap yaake, te vell man hako tsiro i djoudjo dji glan o Debleste oun glan i menshende.

Remarja 12:18

Yaake boud har djala oun ap t'mende hi, djivenn lauterentsa kamles khetne!

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

1. Tessalonikarja 4:11

Djivenn t'maro djipen yaake, te nay rakrenn i menshe gar djoungeles pral t'mende! Krenn t'mari boudi! Boudrenn yaake, te vell t'men doha djipaske, yaake har t'menge penam!

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.