1. Timoteo 2:10 - O Debleskro Lab 2024 (Sinte-Manouche)

¹⁰ Lakro shoukapen sikrell pes an ko lačo koova, hoy yoy krella. Yaake hi kova pash kol djouvyende, kay ap o Debleste patsenna.

O Debleskro Drom 2021 (Sinte)

¹⁰ Lakro shukapen sikrell pes an ko latcho koowa, hoi joi krella. Jaake hi kowa pash kol djuwjende, kai ap o Debleste patsenna.

1. Timoteo 2:10 Iomraidhean Croise

Gosewe laba 31:25

Yoy hi zorelo oun an-diklo, oun yoy darell gar o tsirestar, hoy vella.

Gosewe laba 31:31

Parkrenn t'men pash late lautereske, hoy yoy kras! Givenn kolestar ap i platse an o foro!

Bičepangre 9:36

An o foro Yoppe djivas i patsli. Lakro lab his Tabita ap hebretikes oun Dorkas ap grichtikes. Koya kras boud lačo koova, oun das boud love kol čorvelende.

Bičepangre 9:39

O Petro stas pre oun djas lentsa. Har yob kote vas, anan yon les an koy pralstouni isema, kay koy mouli djouvel čiddo hi. Boud djouvya, kolengre romma moulo hi, his kote oun rovan. Kolla van pash leste oun sikran leste kol ripya, kay i Tabita kras, har yoy djivas.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

1. Timoteo 2:11

Te vell o Debleskro lab i patslenge penlo, hounte shounenn i djouvya ap kova, hoy penlo vella. Yon hounte rakrenn gar peha.

1. Timoteo 2:9

Ninna kamau, te rivell i djouvel kek vi-ladjede ripya. Te rivell li pes gar yaake, te dikell hakeno ap late. Lakro shoukapen te vell gar diklo an kova, har yoy peskre balla hidjrella, vitar gar an o sonakay oun vavar kouč koova, vitar gar an kouč ripya.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Tito 3:8

Kava lab hi čačo. Doleske rake kova i patslenge an o dji, te rodenn le koy pal, har nay krenn le lačo koova. Kova hi mishto oun boud moldo hakeneske.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

2. Petro 3:11

Mer djinah, kay lauter yaake paash djala. Doleske hounte kras mer lauter, te ačas o Debleha, oun djivas yaake, har yob kamella.

Debleskro tsiro 2:19

Me prindjrau lauter, hoy t'mer mange krenn. T'mer kamenn man o djiyestar, oun rikrenn zoreles ap mande. Me prindjrau lauter, hoy t'mer t'mare phralenge krenna. Oun t'mer van gar khino an t'maro patsepen. Kova, hoy t'mer kanna krenna, hi ninna boudeder har kova, hoy kran, har patslo van.