1. Timoteo 1:5 - O Debleskro Lab 2024 (Sinte-Manouche)

⁵ Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

O Debleskro Drom 2021 (Sinte)

⁵ Lauter, hoi peneh tu lenge pral o patsepen, hunte sikrell lende, te well lengro kamlepen dran i djudjo dji, un te well len i patsepen, an koleste kek chochepen hi, un te krenn le lauter jaake, har lengro dji lenge penella.

1. Timoteo 1:5 Iomraidhean Croise

Debleskri gili 24:4

Kava, ap koleskre vasta kek doosh hi, oun koles i djoudjo dji hi. Kova, kay djivell gar peskro djipen ap rhorhepen, oun dell pes gar rhorheni sovel.

Debleskri gili 51:10

Mouk man pale barht te hayvell! Tou phagal man, kanna mouk man pale te stell!

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.

Mateo 12:35

Dran i lačo mensheskro dji vella lačo koova. Dran i čilačo dji vella čilačo koova.

Mateo 5:8

Barhtele hi kolla, kay hi len i djoudjo dji. Yon dikenn o Debles pengre yakentsa.

Bičepangre 15:9

Leske hi yon gar vavarčandes har mer, i bibolde. Yon te patsenn ap leste, palle krell lo lengro dji djoudjo.

Bičepangre 23:1

O Paulo dikas ap kol pralstoune biboldende, oun penas: “T'mer morsha, mire phrala, o tselo djipen boudrom o Debleske, oun man hi i djoudjo dji.”

Bičepangre 24:16

Doleske krau lauter te djivap yaake, te vell man hako tsiro i djoudjo dji glan o Debleste oun glan i menshende.

Remarja 10:4

Yob bičras o Yezous Kristes. Koon ap leste patsella, kova hi čačo glan o Debleste. O Moseskre laba hi bouder gar o drom pash o Debleste.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

Remarja 14:15

Te dikell tiro phraal, te rhah tou halauter, oun kova doukell les an peskro dji, palle kameh tou les gar o djiyestar. O Yezous Kristo meras ninna koleske. Doleske de yak, te anell savo tikno koova les gar o Debleskro dromestar tele.

Remarja 9:1

Glan o Yezous Kristeste penau t'menge: Kova, hoy t'menge kanna penau, hi o čačepen oun kek rhorhepen. Ninna o Debleskro Dourho an miro dji penell mange kova.

1. Korintarja 13:1

Ninna te rakroms me nay an hako rakepen, hoy i menshe oun i bolepangre rakrenna, oun te vals man gar o Debleskro kamlepen an miro dji, palle voms me har i bashepaskro, kay bashrell gar mishto. Leskro bashepen molella či.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

1. Timoteo 1:19

Rike ap o patsepen ap o Yezous Kristeste! Kre, hoy tiro dji touke penella! Hi menshe, kay shounan gar ap pengro dji, oun kran gar, hoy mishto hi. Oun yon peran o Debleskro dromestar tele.

1. Timoteo 3:9

Yon hounte rikrenn zoreles ap o čačepen, hoy o Devel sikras. Lengro patsepen hounte vell dran i djoudjo dji.

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

2. Timoteo 1:5

Dikom tiro patsepen, an koleste kek rhorhepen hi. Kava patsepen his ninna an tiri mamyate Lois, oun an tiri date Eunike. Oun me djinau, kay djivell kava patsepen ninna an toute.

2. Timoteo 2:22

Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!

Tito 1:15

Kolla, kay o Yezous lengri doosh lendar las, kolla hi djoudjo oun erligo glan o Debleste. Kolenge dell či, hoy hi pale-čiddo. Kolla, kay gar ap leste patsenn, kolla hi pale-čiddo glan o Debleste. Kolenge hi lauter pale-čiddo. Lengro dji hi čilačo, oun yon hayvenn bouder gar, hoy mishto oun čačo hi.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Hebrearja 13:18

Mangenn o Debles menge! Maro dji hi djoudjo. Kova djinah mer. Hako tsiro kamah kova te krell, hoy lačo hi.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

2. Petro 1:7

Koon o Debles kamella, koles hi ninna i dji peskre phralenge oun phenyenge. Kones i dji hi peskre phralenge oun phenyenge, kova kamell ninna i tsele menshen ap kay phoub.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.