1. Samuel 9:9 - O Debleskro Lab 2024 (Sinte-Manouche)

⁹ (An o phouro tsiro penas yek an Israel, te kamas lo čomone o Deblestar te poučell: “Ab, te djas mer pash o dikepaskro!” O dikepaskro kharella kava dives Debleskro rakepaskro.)

O Debleskro Drom 2021 (Sinte)

⁹ (An o phuro tsiro penas jek an Israel, te kamas lo tchomone o Deblestar te putchell: “Ab, te djas mer pash o dikepaskro!” O dikepaskro kharella kau diwes Debleskro rakepaskro.)

1. Samuel 9:9 Iomraidhean Croise

1. Mose 25:22

Oun i čave stakran pen an lakro per. Koy penas yoy: “Hoske djal mange kova?” Oun yoy djas te poučell li o baro Deblestar.

2. Samuel 24:11

Har stas o David taysarlake pre, vas o Debleskro rakepaskro, o Gad, pash leste. O Gad his o Davideskro dikepaskro. Oun o baro Devel rakras leha oun penas ap leste:

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

1. Familjakro liil 21:9

Oun o baro Devel rakras ap o Gad. Kova his o Davideskro dikepaskro. Oun penas ap leste:

1. Familjakro liil 26:28

O Shelomit oun leskre phrala his i pralstoune pral halauter, hoy o Debleske dino vas, ninna pral kova, hoy glan ko tsiro o dikepaskro o Samuel o Debleske anas, oun o Saul, koleskro dad o Kish his, oun o Abner, koleskro dad o Ner his, oun o Yoab, koleskri day i Serouya his.

1. Familjakro liil 29:29

Ko tselo vavar koova, hoy pral o Davideskro djipen penepaske hi, kova hi činlo an kol triin lila: O liil pral o dikepaskro, o Samuel, oun o liil pral o Debleskro rakepaskro, o Natan, oun o liil pral o dikepaskro, o Gad.

1. Familjakro liil 9:22

Kolla lauter his vin rodedo, te denn le garda ap i voudya. Yon his 212 (douy-sheel-deesh-te-douy) morsha, kolengre laba his dren činlo an lila kol gabendar, kay yon djivan. O David oun o Samuel, ko dikepaskro, čivan len an lengri boudi dren,

2. Familjakro liil 16:10

O Asa rhoyras pes pral o dikepaskro, oun an peskri bari rholi moukas lo les an o stilepen te anell. An ko tsiro rikras yob ninna vavar menshen an o them i daventsa tele.

2. Familjakro liil 16:7

An ko tsiro vas o dikepaskro, o Hanani pash o Asa, ko rayeste pral Youda, oun penas ap leste: “Tou rikral tout ap o baro rayeste pral o them Syria, oun gar ap o baro Debleste, kay tiro Devel hi. Doleske nay nashas peske o ray pral Syria peskre lourdentsa dran tiro vast.

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Amos 7:12

Oun o Amazya penas ap o Amos: “Tou dikepaskro, dja touke, oun naash an o them Youda! Kote nay rakreh an o Debleskro lab, oun yon denn tout tiro maro.

1. Korintarja 12:17

Te vals o tselo mensho i yak, kay vals palle o kand, hoy shounella? Te vals o tselo mensho i kand, kay vals palle o nak, hoy soungella?

Čačepangre 1:1

Oun har o Yosua meras, poučan i Israelitarya o baro Debles: “Koon mendar djal glanstounes an o kourepen i menshentsa an o them Kanaan?”

Čačepangre 18:5

Oun yon mangan les: “Pouč o Deblestar, te djinas: Hi kava drom, hoy mer kate djah, ninna o čačo drom?”

1. Samuel 9:10

“Mishto”, penas o Saul. “Djas kote!” Oun yon djan an o foro, kay ko Debleskro morsh hi.