1. Samuel 9:6 - O Debleskro Lab 2024 (Sinte-Manouche)

⁶ Ko boudepaskro penas: “Dik an kava foro hi i Debleskro morsh. Oun yob hi an-diklo. Lauter, hoy yob penell, vell ninna yaake. Djas pash leste, te poučas lestar, havo drom mer te djas.”

O Debleskro Drom 2021 (Sinte)

⁶ Ko budepaskro penas: “Dik an kau foro hi i Debleskro mursh. Un job hi an-diklo. Lauter, hoi job penell, well ninna jaake. Djas pash leste, te putchas lestar, hawo drom mer te djas.”

1. Samuel 9:6 Iomraidhean Croise

1. Mose 24:42

Yaake vom kava dives pash kava pani oun penom: Baro Devel, o Devel miro rayestar Abraham, te deh tou čačepah barht ap ko drom, kay me djau, sike les mande!

2. Samuel 15:27

Oun o baro ray penas ap o rashayeste Zadok: “Tou oun o Abyatar, djan pale an o foro an o lačepen, tou oun tiro čavo, o Ahimaaz, oun o Abyatar oun leskro čavo, o Yonatan.

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

2. Rajengro liil 5:8

Har o Elisa, ko Debleskro morsh, kova shounas, bičras yob morshen pash leste, te poučenn kolla lestar: “Hoske tserdal tou tire koola toutar? Mouk ko morshes pash mande te vell, te dikell yob, kay i Debleskro rakepaskro an Israel hi!”

2. Rajengro liil 6:6

O Debleskro morsh penas: “Sike mande, kay ko tover an o pani peras!” Har yob leske kova sikras, činas o Elisa peske i kasht tele, vitsras kova an o pani, kay o tover tele das, oun ko tover vas pale pral.

Debleskri gili 25:12

Hoy hi ko morsheha, kay djivell o baro Debleha? Koleste sikrell lo havo drom yob te djal.

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Mateo 24:35

O bolepen oun i phoub ačenna gar. Mire laba ačenna hako tsiro.

5. Mose 33:1

Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

1. Tessalonikarja 5:13

Yon krenn o Debleskri boudi. Avenn lačes oun kamles ap lende! Oun moukenn kek čingepen mashkral t'mende te vell!

1. Timoteo 6:11

Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!

1. Samuel 2:27

Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.

1. Samuel 9:8

Oun ko boudepaskro penas ap o Saul: “Dik, man hi gomme i tikni roupeni bema. Kolat dah o Debleskro morsheste, te penell lo menge o drom.”