1. Samuel 9:24 - O Debleskro Lab 2024 (Sinte-Manouche)

²⁴ Koy anas kova, kay keras o rhapen, o palstouni heri oun ko thoullo kotar mass, hoy pashel hi, oun čivas les glan o Saul. Oun penas: “Dik, kava hi, hoy touke pral ačas. Le les oun rha! Kava kotar mass vas touke ap i rig čiddo, te rhah tou les ap kava dives khetne kolentsa, kolenge penom, te venn le pash o rhapen.” Yaake rhas o Saul oun Samuel khetne ap ko dives.

O Debleskro Drom 2021 (Sinte)

²⁴ Koi anas kowa, kai keras o chapen, o palstuni heri un ko thullo kotar mass, hoi pashel hi, un tchiwas les glan o Saul. Un penas: “Dik, kawa hi, hoi tuke pral atchas. Le les un cha! Kau kotar mass was tuke ap i rig tchiddo, te chah tu les ap kau diwes khetne kolentsa, kolenge penom, te wenn le pash o chapen.” Jaake chas o Saul un Samuel khetne ap ko diwes.

1. Samuel 9:24 Iomraidhean Croise

2. Mose 29:22

Kava douyto bakro vell doleske maredo, te nay vell o Aron peskre čaventsa an pengri boudi dren čiddo. Le o thulepen kay maredo bakrestar: i thoulli pori, ninna o thulepen, hoy ap i bouke hi oun ko kotar, hoy pral i lebra hi oun kol douy nire oun lengro thulepen, hoy ap lende hi! Le ninna o pralstouno kotar i čači heryatar.

2. Mose 29:27

Hako kopo, kay vell i morsh mange i rashay, vell o beč kava bakrestar oun o pralstouno kotar i heryatar glan o baro Debleste pre hadedo, te sikrenn le, kay kova o Debleske hi.

Ezekiel 24:4

Le o mass o feteder bakrestar! Oun čip i lače kotya an kay piri, i phika oun i herya, oun lače kokale, te vell i piri pherdo! Le kasht oun čip les tel i piri! Kre, te kerell o mass mishto! Mouk ninna i kokale lačes vin te kerell!

4. Mose 18:18

Lengro mass hi touke, yaake har ko beč oun koy čači heri, te rhan t'mer kova khetne glan mande.

1. Samuel 9:23

Oun o Samuel penas ap koleste, kay keras o rhapen: “An ko kotar mass kay, hoy dom tout oun penom, te čivess les ap i rig.”