1. Samuel 9:2 - O Debleskro Lab 2024 (Sinte-Manouche)

² Oun koles his i morsh čavo, koleskro lab his Saul. Kova his i terno shoukar morsh. Oun kek morsh mank i Israelitarya his yaake shoukar har yob. Oun yob his yek shereske bareder har hako vavar morsh an Israel.

O Debleskro Drom 2021 (Sinte)

² Un koles his i mursh tchawo, koleskro lab his Saul. Kowa his i terno shukar mursh. Un kek mursh mank i Israelitarja his jaake shukar har job. Un job his jek shereske bareder har hako wawar mursh an Israel.

1. Samuel 9:2 Iomraidhean Croise

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

1. Familjakro liil 8:33

O Ner, leskro čavo his o Kish. Koleskro čavo his o Saul, oun koleskre čave his o Yonatan, o Malkishoua, o Abinadab oun o Eshbaal.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

4. Mose 13:33

Mer dikam kote ninna i Nefilim, kay hi bare menshe. Lengro phouro dad hi o Anak. Mer hams an mare yaka har stepangre, oun yaake hams ninna an lengre yaka.”

1. Samuel 10:21

Palle moukas lo hako dadeskro kheer dran i familya Benyamin glan te vell. Koy sikran i kashta ap o dadeskro kheer Matri. Oun mank i morshende dran o kheer Matri sikran i kashta ap o Saul, koleskro dad o Kish hi. Oun yon rodan les, oun hatsan les gar.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

1. Samuel 17:4

Kote vas i kourepaskro i Filistarendar glan. Leskro lab his Goliat, dran o foro Gat. Yob his yaake triin metarya baro.

1. Samuel 9:3

His i dives, kay nashran pen i esle ko morshestar Kish, koleskro čavo o Saul hi. Oun o Kish penas ap peskro čaveste, o Saul: “Le touke gomme i boudepaskres touha, oun dja oun rode kol eslen!”