1. Samuel 9:16 - O Debleskro Lab 2024 (Sinte-Manouche)

¹⁶ “Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”

O Debleskro Drom 2021 (Sinte)

¹⁶ “Taissar kau tsireske bitchrau me i murshes dran o them Benjamin pash tute. Koles less tu un makess les o kutch djeteha, te well lo rai pral mire menshende, i Israelitarja. Kowa lell len win dran o wast i Filistarendar. Me dikom har phares jon o djipen mire menshendar kran. Un lengri gole was glan mande.”

1. Samuel 9:16 Iomraidhean Croise

2. Samuel 3:18

Kanna krenn kova! O baro Devel penas o Davidestar: Miro boudepaskro, o David, vell kova, khetne leha lau mire menshen Israel vin dran i vasta kol Filistarendar, oun lauterendar, kay leske čilačepen kamenn.”

2. Rajengro liil 20:5

“Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

Debleskri gili 102:1

I mangepen yekestar, koleske gar mishto djal, oun koles bouder kek zoor hi, oun kay glan o baro Debleste peskri dji vin čorella.

Debleskri gili 106:44

Oun te dan le gole ap leste an pengre douka, oun yob dikas, har djoungeles lenge djal,

Debleskri gili 25:18

Dik ap miro pharo djipen, oun har djoungeles mange djala, oun biste miri tseli doosh!

Gosewe laba 16:9

O mensheskro dji lell peske čomone glan, o baro Devel hi kova, kay anell leskre herya ap ko drom, har yob kamell.

Jeremia 32:8

Oun yaake har o baro Devel mange penas, vas o Hanamel, – kova his miro neboudo – pash mande ap i lourdengri platsa, oun rakras mantsa oun penas: Gin touke miro kotar them, hoy pash o foro Anatot an o them Benyamin čiddo hi; tou hal o ersto mank mare menshende, kay hounte ginell les mandar. Gin tou ko kotar them! Kote hayvom, kay kava lab o baro Deblestar vas.

1. Samuel 10:1

Oun o Samuel las o khoro, kay o kouč djet dren hi, oun čoras les pral o Sauleskro shero. Oun yob čoumras les oun penas: “Ko djet sikrella, te čivas tout o baro Devel pral peskre menshende, te vess lengro ray.

1. Samuel 14:20

Oun o Saul oun i tsele lourde, kay pash leste hi, van khetne, oun djan ap i kourepaskri platsa. Oun har le koy van, dikan le, te maran pen i Filistarya kokres. Yek djas ap o vavareste. Lauter his har dineles.

1. Samuel 14:23

Yaake las o baro Devel ap ko dives o Israel vin dran o vast i Filistarendar. Oun ko marepen tserdas pes bis pal o foro Bet-Aven.

1. Samuel 15:1

O Samuel penas ap o Saul: “O baro Devel bičras man, te makap tout o djeteha, te vess o ray pral leskre menshende Israel. Kanna shoun ap i laba o baro Deblestar!

1. Samuel 16:1

Oun o baro Devel penas ap o Samuel: “Har rah kameh tou gomme pal o Saul te rovell, koles me pale čivom, te vell lo bouder gar o ray pral o Israel? Le kanna i toushni djet touha, oun kre tout ap o drom! Me bičrau tout pash o Isay an o foro Betlehem. Mank leskre morsh čavende hi kova, koles me mange vin rodom, te vell yob baro ray.”

1. Samuel 16:3

Oun pen ap o Isay, te vell yob pash o rhapen. Kote sikrau tout, hoy tou hounte kress, te makess koles o djeteha, kones toute sikrau!”