1. Samuel 8:8 - O Debleskro Lab 2024 (Sinte-Manouche)

⁸ Kanna krenn le touha yaake har yon les mantsa kran. Yaake rah har anom len vin dran o them Egiptia, bis kava dives, moukan le man pale te pale, oun mangan vavar deblen an.

O Debleskro Drom 2021 (Sinte)

⁸ Kanna krenn le tuha jaake har jon les mantsa kran. Jaake rah har anom len win dran o them Egiptia, bis kau diwes, mukan le man pale te pale, un mangan wawar deblen an.

1. Samuel 8:8 Iomraidhean Croise

Debleskri gili 78:8

yaake te venn le gar har pengre phoure, kay o Debleskro dromestar tele peran, oun kaman gar te shounell. Kolengre djia his gar zorelo, oun yon his gar pengro tselo djiyeha pash o Debleste.

2. Mose 16:3

Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

2. Mose 17:2

Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

Jeremia 34:14

te moukell hakeno peskro ginlo boudepaskres te djal, kova, kay i vavar Israelitari hi, oun kay bikras pes leske, oun boudras leske shob bersha. An o eftato bersh hounte moukas lo les te djal. T'mare phoure shounan gar ap mande, oun rikran pen gar ap mire laba.

Ezekiel 2:3

Tou, mensho, me bičrau tout pash i Israelitarya. Kolla hadan pen oun peran mandar tele. Ninna lengre phoure hadan pen pale te pale pral mande. Oun kolla, kay kava dives djivenn, hi gar vavarčandes.

5. Mose 9:24

Yaake rah har prindjrau t'men, hi t'men sherya har barra oun krenn gar, hoy o baro Devel t'menge penell.

Čačepangre 13:1

Oun i Israelitarya kran pale, hoy čilačes hi glan o baro Debleskre yaka. Oun o baro Devel das len an i vasta i Filistarendar. Oun kolla his i raya pral lende star-desha bersha.

Čačepangre 2:20

Kote rhačras i rholi o baro Deblestar pral o Israel pre. Oun yob penas: “Kal čilače menshe rikran pen gar ap mire laba, hoy me lengre phourende dom, oun shounan gar ap mande.

Čačepangre 4:1

Oun har o Ehoud moulo his, kran i Israelitarya pale, hoy čilačo his glan i yaka o baro Deblestar.

Čačepangre 6:1

Oun i Israelitarya kran, hoy čilačes hi glan o baro Debleskre yaka. Doleske das o baro Devel len efta bersha an o vast kol menshendar, kay kharenna Midianarya.

1. Samuel 8:7

Oun o baro Devel penas ap o Samuel: “Shoun ap i Israelitarya, an lauter, hoy yon ap toute penan. Yon čivan gar tout ap i rig, na-a man čivan le ap i rig, te vap me bouder gar o baro ray pral lende.

1. Samuel 8:9

Oun kanna kre, hoy le toutar kamenn. Pen lenge ninna zoreles, hoy nay krenn lengre bare raya lentsa, te hi len penepaske pral lende.”