1. Samuel 8:5 - O Debleskro Lab 2024 (Sinte-Manouche)

⁵ Oun yon penan ap leste: “Dik, tou val phouro, oun tire čave djan gar o drom yaake har tou les djal. Rode tou i baro rayes vin, koles tou pral mende čiveh! Oun kova vell maro čačepaskro ray, yaake har an i vavar themma ninna hi.”

O Debleskro Drom 2021 (Sinte)

⁵ Un jon penan ap leste: “Dik, tu wal phuro, un tire tchawe djan gar o drom jaake har tu les djal. Rode tu i baro rajes win, koles tu pral mende tchiweh! Un kowa well maro tchatchepaskro rai, jaake har an i wawar themma ninna hi.”

1. Samuel 8:5 Iomraidhean Croise

4. Mose 23:9

Pral ap i berga hom tardo, oun dikau tele ap kol menshende. Yon hi menshe, kay djivenn penge, oun djinenn, kay yon gar hi har i vavar menshe.

Bičepangre 13:21

Ap ko tsiro mangan le les, te dell lo len i baro rayes. Oun o Devel das len o Saules. Leskro dad his o Kish. Kova his i morsh kol menshendar, kay venna pal o Benyamin. Star-deesh bersha his o Saul o baro ray pral mare menshende.

Čačepangre 8:22

Oun i morsha dran o Israel, penan ap o Gideon: “Ab tou maro ray! Tou oun tire čave oun kolengre čave venn ray pral mende! Tou lal men dran i vasta kolendar dran o them Midian vin.”

1. Samuel 10:19

T'mer vitsran kava dives t'maro Debles ap i rig, koles, kay las t'men vin dran t'mari daar oun t'maro pharo djipen. Ap koleste penan: Čip i baro rayes pral mende! Kanna mishto! Avenn glan o baro Debleste! Haki bari familya, hoy vell pal yekeste kol deesh-te-douy Yakobeskre čavendar vell tardo peske, oun mank lende ninna hako dadeskro kheer.”

1. Samuel 12:13

Kanna dikenn: “Kate hi t'maro baro ray, koles t'menge vin rodan oun mandar mangan. O baro Devel čivas les pral t'mende.

1. Samuel 12:17

Kanna hi o tsiro, kay o djob dren anlo vell. T'mer djinenn, kova hi gar o tsiro, kay dell brishin. Oun me dau kanna ap o baro Debleste gole, te bičrell yob brishin oun moukell o bolepen gole te dell. Palle hayvenn t'mer, te his kova, hoy kran, i baro čilačepen glan o baro Debleste, har mangan mandar i baro rayes pral t'mende.”

1. Samuel 12:2

Kanna djal yob glan t'mende. Me vom phouro oun mire balla van parno. Oun mire morsh čave hi pash t'mende. Foun tiknes pre djom glan t'mende bis ap kava dives.

1. Samuel 9:20

Oun hoy kol eslentsa hi, hoy touke krik nashan glan triin divessa, ma dare lenge! Kolla hi hatslo. Koneske hi lauter, hoy kouč hi an o them Israel? Kova hi touke oun tiri familyake!”