1. Samuel 8:11 - O Debleskro Lab 2024 (Sinte-Manouche)

¹¹ “Kova hi, hoy t'maro baro ray t'mentsa krella”, penas o Samuel: “T'mare morsh čaven lell lo t'mendar, te venn le leskre lourde, kay beshenn ap leskro vourdin oun ap leskre graya, oun te nashenn le glan leskro vourdin.

O Debleskro Drom 2021 (Sinte)

¹¹ “Kowa hi, hoi tumaro baro rai tumentsa krella”, penas o Samuel: “Tumare mursh tchawen lell lo tumendar, te wenn le leskre lurde, kai beshenn ap leskro wurdin un ap leskre graja, un te nashenn le glan leskro wurdin.

1. Samuel 8:11 Iomraidhean Croise

2. Samuel 15:1

Oun koy pal vas kova yaake, kay o Absalom peske i vourdin las, oun graya, oun paash-sheel morshen, kay nashan glan leste.

1. Rajengro liil 1:5

Oun o Adoniya, koleskri day o Davideskri romni, i Haggit his, kova kras pes baro oun penas: “Me, me kamau baro ray te vell!” Oun yob las peske vourdya oun graya, oun i paash-sheel morsha, te nashenn le glan leste.

1. Rajengro liil 10:26

Oun o Salomo moukas peskre tsele vourdya oun klissepangre khetne te vell. Oun kote his les 1.400 (yek sero-te-star-sheel) vourdya oun 12.000 (deesh-te-douy zerya) klissepangre. Kolen moukas lo an kol vourdyengre forya oun pash peste an o foro Yerusalem te anell.

1. Rajengro liil 12:10

Oun kol terne morsha, kolla, kay van leha bares, penan leske: “Yaake pen ap kol menshende, kay penan ap toute: Tiro dad čivas i pharo boudepen ap mende. Mouk tou čomone tele mendar! Pen kova ap lende: Miro tikno goushto hi pesseder har miro dadeskri heri.

1. Rajengro liil 12:4

“Kova, hoy tiro dad mendar kamas, djas boud kope pral mari zoor. Mouk tou čomone tele mendar, oun de men gar savi phari boudi har tiro dad men das, palle ham mer tire lače boudepangre.”

1. Rajengro liil 14:27

Doleske moukas o baro ray Roboam shilte te krell dran lolo saster, oun das len i pralstunende pral kol lourdende, kay dan garda pash o baro voudar glan leskro kheer.

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

1. Samuel 10:25

Oun o Samuel penas i menshenge, havo čačepen o baro rayes hi. Oun kova činas lo an i liil, oun čivas les glan o baro Debleste. Palle bičras lo hakenes khere.

1. Samuel 14:52

Yaake rah har o Saul djivas, his o marepen i Filistarentsa i pharo marepen. Oun te dikas o Saul i zorelo čačo morshes, koles las lo, te vell lo i lourdo leske.

1. Samuel 22:7

Kote penas o Saul ap peskre boudepangre, kay glan leste tardo hi: “Shounenn, t'mer Benyaminarya! Patsenn t'mer, te dell o čavo ko morshestar Isay t'men lauteren harhetikri phoub oun drakengro them? Lell yob t'men lauteren, te venn pralstoune pral leskre lourdende: pral yek zero oun pral yek sheel? Na-a, patsenn kova gar!

1. Samuel 8:9

Oun kanna kre, hoy le toutar kamenn. Pen lenge ninna zoreles, hoy nay krenn lengre bare raya lentsa, te hi len penepaske pral lende.”