1. Samuel 7:9 - O Debleskro Lab 2024 (Sinte-Manouche)

⁹ Oun o Samuel las i terno bakro, hoy gomme thoud piyas, oun maras les oun rhačras les tseles o baro Debleske. Oun yob das ap o baro Debleste gole, oun mangas les o Israeleske. Oun o baro Devel shounas ap leste.

O Debleskro Drom 2021 (Sinte)

⁹ Un o Samuel las i terno bakro, hoi gomme thud pijas, un maras les un chatchras les tseles o baro Debleske. Un job das ap o baro Debleste gole, un mangas les o Israeleske. Un o baro Dewel shunas ap leste.

1. Samuel 7:9 Iomraidhean Croise

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

3. Mose 22:27

Te vell i tikni groumni, i tikno bakro oder i tikni bouzni boldo, palle vell kava ternepen efta divessa pash peskri date. Pal o orhtato dives nay aneh les o baro Debleske, te vell les leske maredo. Palle dikell lo lačes ap leste.

5. Mose 9:26

Oun me mangom o baro Debles oun penom: “Baro Devel miro ray, ma mare tire menshen, kol menshen, kay tou vin lal dran o them Egiptia tiri bari zoryah oun tiro zorelo vasteha, te venn le tire menshe!

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

Čačepangre 6:26

Oun kre i rhačepaskri o baro Debleske, kay tiro Devel hi, kate pral ap kay berga, kay t'maro zorelo kheer tardo hi! Oun le ko douyto gouroum oun mare les mange oun rhače les mange kote! Kre koy yag ko kashteha, hoy i debletsa Ashera his, hoy tou trouyel dal!”

Čačepangre 6:28

Oun har i morsha an o foro taysarlakro pre stan, his koy rhačepaskri lengro deblestar Baal paash dino, oun i Ashera hoy koy pashel tardo his, his trouyel dino. Oun ko douyto gouroum his rhačedo ap koy nevi rhačepaskri.

1. Samuel 10:8

Tou djah glan mande tele an Gilgal. Kote kamau pash toute tele te vell, te marap kote firhen o Debleske, saven kay venn tseles rhačedo oun save, hoy rhah mer khetne. Efta divessa ačess tou koy. Palle vau oun penau touke, hoy te kress.”

1. Samuel 12:17

Kanna hi o tsiro, kay o djob dren anlo vell. T'mer djinenn, kova hi gar o tsiro, kay dell brishin. Oun me dau kanna ap o baro Debleste gole, te bičrell yob brishin oun moukell o bolepen gole te dell. Palle hayvenn t'mer, te his kova, hoy kran, i baro čilačepen glan o baro Debleste, har mangan mandar i baro rayes pral t'mende.”

1. Samuel 16:2

O Samuel penas: “Har nay krau kova? Te shounell o Saul kova, pale moukell yob man te marell.” Koy pre penas o baro Devel: “Le i terni groumni touha, oun pen Me vom te anap kay groumni o baro Debleske!

1. Samuel 2:35

Me moukau mange i rashayes pre te stell, kay peskri boudi mishto krell. Yob krell lauter yaake, har me kamau oun mange shoukar hi. Oun me krau leske i kheer, hoy ačella. Oun yob boudrella hako tsiro koleske, koles me vi-rodau, te vell lo baro ray.

1. Samuel 7:17

Palle djas lo pale an Rama, kay lo khere hi, oun rakras kote o čačepen vin pral i Israelitarya. Ninna kote kras lo i rhačepaskri, kay čomone rhačedo vell o baro Debleske.

1. Samuel 9:12

Yon penan: “Ava, yob vas i tikno tsiro glan toute kay. Kava dives hi o dives, kay anenn le firhen o Debleske ap i pralstouni platsa. Doleske vas lo an o foro. Djan sik,