1. Samuel 7:5 - O Debleskro Lab 2024 (Sinte-Manouche)

⁵ Oun o Samuel das i tsele morshen an Israel khetne gole an Mispa, te mangas lo lenge o baro Deblestar.

O Debleskro Drom 2021 (Sinte)

⁵ Un o Samuel das i tsele murshen an Israel khetne gole an Mizpa, te mangas lo lenge o baro Deblestar.

1. Samuel 7:5 Iomraidhean Croise

1. Mose 20:7

Oun kanna, de koy romyat pale o romeste! Yob hi i Debleskro rakepaskro. Oun te mangell o Abraham touke, ačeh tou djido. Te deh lat gar pale, hounte meress oun lauter, hoy tiro hi.”

1. Mose 31:49

Doleske venn le Gal-Ed kharedo, ninna Mispa. O Laban penas: “O baro Devel mou dell yak, te rikras men ap kova an ko tsiro, kay vella, kay ham bouder gar khetne.

2. Rajengro liil 25:23

Oun har i pralstoune lourde dran Youda shounan, kay o baro ray pral o them Babilonia o Gedalyes pral o them Youda dren čivas, van le i lourdentsa pash o Gedalya an o foro Mispa. Kol pralstoune lourde his: o Ismael, koleskro dad o Netanya his; o Yohanan, koleskro dad o Karea his; o Seraya, koleskro dad o Tanhoumet his dran Netofa oun o Yazania dran Maaka.

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Jeremia 40:6

Yaake vas o Yeremia an o foro Mispa pash o Gedalya, koleskro dad o Ahikam his, oun ačas pash leste mank peskre menshende, kay ačan pral an o them.

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Joel 2:16

Kharenn i menshen khetne, oun thovenn t'men yaake har glan činlo hi, te venn djoudjo glan o Debleste. Avenn halauter khetne, t'mer phoure, čave oun ternepen! O biyabeskro te djal dran peskri isema, oun leskri pirni dran kolakri.

Josua 15:38

Dilan, Mispe, Yokteel,

Josua 18:26

Mispe, Kefira, Moza,

Čačepangre 10:17

Oun i Ammonarya van khetne gole dino, oun čivan pengre plarhtene khera pre pash o foro Gilead. Oun i Israelitarya van khetne pash Mispa.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

1. Samuel 10:17

Oun o Samuel moukas i Israelitaryen khetne gole te dell an Mispa, te venn le glan o baro Debleste.

1. Samuel 12:17

Kanna hi o tsiro, kay o djob dren anlo vell. T'mer djinenn, kova hi gar o tsiro, kay dell brishin. Oun me dau kanna ap o baro Debleste gole, te bičrell yob brishin oun moukell o bolepen gole te dell. Palle hayvenn t'mer, te his kova, hoy kran, i baro čilačepen glan o baro Debleste, har mangan mandar i baro rayes pral t'mende.”

1. Samuel 12:23

Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.

1. Samuel 7:12

Oun o Samuel las i bar oun čivas les pre mashkral Mispa oun Shen, oun das les o lab Eben-Eser, oun penas: O tselo drom his o baro Devel ap mari rig.

1. Samuel 7:16

Oun hako bersh djas lo an Betel oun Gilgal oun Mispa oun rakras kote o čačepen vin pral i menshende.

1. Samuel 7:4

Oun i Israelitarya čivan i rhorhene deblen krik, kay kharenn Baal oun Astarte, oun mangan kokres o baro Debles an.

1. Samuel 8:6

Kolla his djoungele laba glan o Samueleste, te penan le: De men i baro ray, kay o čačepen pral mende vin rakrella. Oun o Samuel rakras o baro Debleha koy pral.