1. Samuel 7:3 - O Debleskro Lab 2024 (Sinte-Manouche)

³ Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”

O Debleskro Drom 2021 (Sinte)

³ Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”

1. Samuel 7:3 Iomraidhean Croise

1. Mose 35:2

Koy penas o Yakob ap peskri familya oun ap lauterende, kay pash leste his: “Čivenn t'mendar krik kol deblen dran barra oun kashta, hoy t'mer an-mangenna! Thovenn t'men oun rivenn t'men djoudje ripya an!

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

1. Rajengro liil 8:48

Te venn le pash toute pale pengro tselo djiyeha oun lengro tselo djipah, an ko them, kay yon pandle hi, oun denn gole ap toute oun rissrenn pen koy pashel ap koy rig, kay lengro them hi, kay tou dal lengre phourende, oun kay ko foro hi, hoy tou touke vin rodal, oun ko kheer, kay me moukom touke te krell,

2. Rajengro liil 17:39

Me, o baro Devel kokres, hom t'maro Devel. Man mangenn an! Oun me lau t'men vin dran i vasta lauterendar, kay kamenn t'men marell.”

2. Rajengro liil 23:15

Ninna koy moulni platsa an Betel kras lo paash, hoy o Yerobeam, ko Nebateskro čavo kras, te anell lo o Israel o baro Debleskro dromestar tele. Koy rhačepaskri phagas lo tele, das lakre barra paash oun kras len yaake tiknes, te van le phoubyakri čik. Oun i figura, hoy sikras i debletsa Ashera, rhačras lo pre.

1. Familjakro liil 22:19

Kanna denn t'maro djipen oun t'maro dji o baro Debleste, kay t'maro Devel hi! Oun stenn pre oun krenn leske i kheer, kay leske kokres hi. Kote te vell o morhton o baro Debleskre deesh labentsa dren čiddo, ninna ko vavar Debleskro koova. Kava kheer krenn t'mer, te vell o baro Devel sharedo.”

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

2. Familjakro liil 19:3

Čomone lačes vas pash toute ninna hatslo: Tou rhačral kol figure an o them, hoy i debletsa Ashera sikrenn, oun rodal pal kova, hoy o baro Devel kamell.”

2. Familjakro liil 20:33

Kokres kol platse, kay i moule debla an-mangedo van, moukas lo tardo te ačell. Ap ko tsiro van i menshe gar pengro tselo djiyeha pale pash o Debleste pengre phourendar.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

Jeremia 36:3

Te shounenn i menshe dran Youda, havi bibarht kamau pral lende te anell, nay vell, te moukenn le pengro čilačo drom oun venn pale pash mande, te nay lap lengri doosh oun lengro čilačepen lendar krik.

Jeremia 4:1

O baro Devel penell: T'mer Israelitarya, te kamenn t'maro čilačo drom te moukell, palle avenn pash mande! Te lenn t'mer kol djoungele deblen glan mire yaka krik, hounte nashenn bouder gar yek rigyatar ap i vavar.

Ezekiel 14:6

Doleske pen ap o kheer Israel: Kava penell o baro Devel, maro ray: Djan tele t'maro čilačo dromestar, oun moukenn t'mare rhorhene deblen, hoy yaake djoungelo an mire yaka hi!

Ezekiel 18:31

Moukenn t'mare čilače dromma! Oun lenn t'menge i nevo dji oun i nevo dourho! Hoske kamenn t'mer te merell, t'mer dran o kheer Israel?

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Mateo 15:8

O Devel penas: Kal menshe sharenn man pengre mouya. Lengre djia hi dour mandar.

Mateo 4:10

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Mateo 6:24

Kek boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, kol vavares kamals yob o djiyestar. Tou nay boudreh gar o Debleske oun rodeh tiro bravlepen.

Louka 4:8

Koy penas o Yezous: “An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Johanni 4:24

O Devel hi kek mensho, – yob hi i dourho. Oun kolla, kay mangenn les an, kolen hounte vell o Debleskro Dourho. Kova sikrell len, har te mangenn le les čačepah an.”

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Josua 13:31

Oun o paash kol familyendar dran o kheer Makir – koleskro dad o Manasse his – kolen das o Mose o paash them Gilead. Kote hi kol forya Astarot oun Edrei čiddo, kay o ray pral Bashan, o Og, djivas.

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

Josua 24:23

Koy penas o Yosua: “Yaake čivenn kanna kol rhorhene deblen krik, hoy mank t'mende hi. Oun rissrenn t'mare djia pash o baro Debleste, kay o Israeleskro Devel hi.”

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 2:11

Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

Čačepangre 2:13

Oun yon moukan o baro Debles oun mangan o debles Baal an oun ninna i debletsa Astarte.

1. Samuel 31:10

Oun yon čivan leskro rharo oun leskro vitsepaskro čouri an o kheer, kay lengri debletsa, i Astarte, his. Oun o moulo Saul dan le sasterentsa ap i massouri, hoy hi troul o foro Bet-Shean.