1. Samuel 6:9 - O Debleskro Lab 2024 (Sinte-Manouche)

⁹ Palle sikrell pes, havi rigyatar koy bari bibarht pral mende vas: Te djan le pre an lengro them, ap o drom an Bet-Shemesh, palle his o baro Devel, kay savi bari bibarht ap mende anas. Te djan le ap i vavar rig, palle hayvah, te his gar leskro vast, hoy men das, oun kava tselo koova čičeske ap mende vas, oun kek bičras les.”

O Debleskro Drom 2021 (Sinte)

⁹ Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”

1. Samuel 6:9 Iomraidhean Croise

2. Samuel 1:6

Ko terno morsh penas: “Me vom ap koy berga Gilboa. Koy dikom, har o Saul paash ap peskro vitsepaskro čouri pre-čiddo his. Oun kol kourepangre, kay ap kol vourdya tardo his, djan zoreles ap leste.

1. Rajengro liil 4:9

O Ben-Deker his o pralstouno pral kal forya: Makaz, Shaalbim, Bet-Shemesh, Elon oun Bet-Hanan.

2. Familjakro liil 25:21

Oun o Yoash, ko baro ray pral Israel, djas pral an o them Youda peskre lourdentsa. Oun pash o foro Bet-Shemesh vas o kourepen mank kol douy rayende, o Yoash oun o Amazya oun lengre lourdentsa.

2. Mose 8:15

Kote penan i dourkepangre ap o Farao: “Kava hi o Debleskro vast!” Ninna kanna rikras o Farao peskro dji pandlo oun shounas gar ap lende. Yaake vas, hoy o baro Devel penas.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Louka 10:31

Ap ko tsiro djas i rashay ap ko drom. Har yob kava morshes dikas, djas lo doureder.

Josua 15:10

Oun foun o foro Baala djas o drom pash i berge Seir, hoy kote čiddo hi, kay o kham tele djal. Foun kotar djas doureder ap i nordetikri rig koy bergatar Yearim – lakro vavar lab hi Kesalon – oun palle tele pash o foro Bet-Shemesh oun doureder an o foro Timna;

Josua 21:16

Ayin oun koy phoub troul o foro, kay i firhe nay rhan; Youtta oun koy phoub troul o foro, kay i firhe nay rhan; Bet-Shemesh oun koy phoub troul o foro, kay i firhe nay rhan. Kolla his enya forya, hoy i menshe dran kol douy khera Youda oun Simeon lenge dan.

1. Samuel 6:10

Oun kol morsha kran kova yaake. Yon lan douy groumya, kolen terne hi, kay gomme ap lende piyenn. Oun pandan len glan o vourdin. Oun i groumyengre ternen pandan le khere dren.

1. Samuel 6:12

Oun kol groumya djan ap ko drom an Bet-Shemesh, oun ačan ap ko drom, oun djan gar čačes vitar gar serves. Har djan le yaake, dan le gole, oun moukan gar tele te denn le gole. Oun kol raya pral i Filistarya djan pal lende, bis te van le an o them, kay Bet-Shemesh čiddo hi.

1. Samuel 6:3

Oun yon penan ap lende: “Te bičrenn t'mer o morhton o Israeleskro Deblestar pale, palle bičrenn čomone peha. Denn les čomone, te vell lauter pale mishto mank t'mende oun leste! Palle venn t'mer sasto. Yaake djinenn t'mer ninna, hoske leskro vast t'mendar gar krik djas.”