1. Samuel 6:6 - O Debleskro Lab 2024 (Sinte-Manouche)

⁶ Ma pandenn t'mare djia, te venn le har bar, har kran kol Egiptarya oun lengro baro ray, o Farao! Hi kova gar yaake? Har sikras o baro Devel peskri zoor ap lende, hounte moukan le i Israelitaryen te djal.

O Debleskro Drom 2021 (Sinte)

⁶ Ma pandenn tumare djia, te wenn le har bar, har kran kol Egiptarja un lengro baro rai, o Farao! Hi kowa gar jaake? Har sikras o baro Dewel peskri soor ap lende, hunte mukan le i Israelitarjen te djal.

1. Samuel 6:6 Iomraidhean Croise

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

Debleskri gili 95:8

Ma pandenn t'mare djia, har t'mare phoure kran ap i platsa Meriba oun Massa an o moulo tato them.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 14:17

Me krau, te pandenn i Egiptarya pengre djia yaake, te lenn le t'menge palla. Oun me sikrau miro barepen oun miri zoor ap o Farao, ap leskre vourdya oun ap leskre kourepangre.

2. Mose 14:23

I Egiptarya lan len palla. Oun kol tsele rayeskre graya oun kourepangre vourdya, ninna i lourde djan pal lende ap o drom mank o baro pani.

2. Mose 4:21

Oun o baro Devel rakras ap o Moseste: “Te hal an o them Egiptia, palle kre ko tselo baro koova, hoy me tout an tiro vast dom, glan o Farao! Oun me kamau leskro dji har i bar te krell, te moukell yob gar tire menshen dran i Egiptia vin.

2. Mose 7:13

Har dikas o Farao kova, ačas leskro dji pandlo, oun yob shounas gar ap lende. Yaake vas, hoy o baro Devel penas.

2. Mose 7:14

Oun o baro Devel penas ap o Mose: “O Faraeskro dji hi har dran bar. Yob moukell gar i Israelitaryen te djal.

2. Mose 8:15

Kote penan i dourkepangre ap o Farao: “Kava hi o Debleskro vast!” Ninna kanna rikras o Farao peskro dji pandlo oun shounas gar ap lende. Yaake vas, hoy o baro Devel penas.

2. Mose 9:16

Me moukom tout doleske djido, te dikess miri bari zoor, oun te rakrenn le mandar ap i tseli phoub.

2. Mose 9:34

Har o Farao dikas, te heras kova lauter pre, kras lo gar, hoy o baro Devel lestar kamella, oun pandas pale peskro dji. Oun yaake kran ninna i pralstoune an leskro them.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.