1. Samuel 6:21 - O Debleskro Lab 2024 (Sinte-Manouche)

²¹ Oun yon bičran morshen pash kol menshende an o foro Kiryat-Yearim oun penan lenge: “I Filistarya anan o morhton pale, kay o baro Debleskre deesh laba dren hi. Avenn t'mer kay tele, oun lenn les pre pash t'mende!”

O Debleskro Drom 2021 (Sinte)

²¹ Un jon bitchran murshen pash kol menshende an o foro Kirjat-Jearim un penan lenge: “I Filistarja anan o mochton pale, kai o baro Debleskre deesh laba dren hi. Awenn tumer kai tele, un lenn les pre pash tumende!”

1. Samuel 6:21 Iomraidhean Croise

2. Samuel 6:2

Oun djas lentsa an o foro Baala, an ko them Youda, te anell yob kotar o Debleskro morhton vin, kay o Debleskre deesh laba dren hi. Ko morhton vas kharedo pal o baro Debleste, ko rayeste pral o bolepen oun i phoub. Kova hi beshdo pral i bolepangre, kay kharenna Keroubim.

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

Jeremia 26:20

Kote his i vavar morsh, o Ouria, koleskro dad o Shemaya his, dran o foro Kiryat-Yearim. Kova penas ninna glan-vi, hoy o baro Devel leske penas, oun rakras pral koy bibarht, hoy vell pral kava foro oun kava them, yaake har o Yeremia rakras.

Jeremia 7:12

Djan pash ko foro Shilo, kay glan rah tsiro miro kheer tardo his. Oun dikenn, hoy me kote krom doleske, kay mire menshe Israel čilačepen kran.

Jeremia 7:14

Doleske krau me kava khereha, har me ko foreha Shilo krom, ninna te vas kava kheer mange kerdo, oun t'mer patsenn, kote nay djal t'menge či. Me krau koy platsa paash, hoy dom t'men oun t'mare phouren.

Josua 15:60

Ninna kol douy forya Kiryat-Baal, hoy kharell ninna Kiryat-Yearim oun Rabba, oun koy pashel lengre gaba.

Josua 15:9

Foun kotar pral ap kay berga djas o drom tele troul i berga trouyel oun pash ko pani, hoy kharell Me-Neftoa, oun pash kol forya, hoy pash i berge Efron čiddo hi. Oun kotar djas ko drom tele pash o foro Baala – kova hi kava dives Kiryat-Yearim.

Josua 18:14

Foun kay berga, ap lakri rig, kay o kham tele djal, djas o drom kote doureder, kay o kham pralstounes tardo hi, bis glan o foro Kiryat-Baal, hoy kharell ninna Kiryat-Yearim. Kava foro hi čiddo an o them Youda. Yaake dour djas o them kote, kay o kham tele djal.

Čačepangre 18:12

Oun yon djan pre oun ačan i tikno tsiro pash Kiryat-Yearim an o them Youda. Oun doleske kharell koy platsa ninna gomme kava dives Makaneh-Dan. Kay platsa hi čiddo pal o foro Kiryat-Yearim.